سولاردىڭ ءبىرى – لاميناتتالعان اعاش-جاڭقا پليتاسىن وندىرەتىن وتاندىق Lam.Tech كومپانياسى. بۇل كاسىپورىن QazIndustry قولداۋىنىڭ شىنايى تيىمدىلىگىن ءوز تاجىريبەسىندە دالەلدەپ وتىر. 2024 جىلى كومپانيا وندىرىستىك الەۋەتىن ارتتىرۋ ءۇشىن ىستىق لاميناتسياعا ارنالعان جوعارى تەحنولوگيالى پرەسس ساتىپ الدى. جالپى ينۆەستيتسيا كولەمى 384 مىڭ اقش دوللارىنا جەتتى. مەملەكەتتىك ىنتالاندىرۋ اياسىندا Lam.Tech بۇل جابدىققا جۇمسالعان شىعىندارىنىڭ 60 ميلليون تەڭگە كولەمىندەگى بولىگىن وتەپ الدى.
كومپانيا بۇل قاراجاتتى قايتادان ءوندىرىستى جاڭعىرتۋعا باعىتتاپ, نارىقتاعى پوزيتسياسىن ودان ءارى كۇشەيتۋگە كىرىستى. زاماناۋي جابدىقتى ورناتۋ Lam.Tech-كە ناقتى ناتيجەلەرگە قول جەتكىزۋگە جول اشتى. بىرىنشىدەن, كاسىپورىن تەكستۋراسى بار لاميناتتالعان پليتالاردى شىعارا باستادى. بۇل جاڭا ءونىم تۇرىنە سۇرانىس جوعارى بولىپ, نارىقتا ۇلكەن قىزىعۋشىلىق تۋدىردى. ەكىنشىدەن, 20-دان استام جاڭا جۇمىس ورنى اشىلىپ, جەرگىلىكتى تۇرعىندار ءۇشىن تۇراقتى تابىس كوزى پايدا بولدى. ۇشىنشىدەن, وندىرىستىك قۋات تاۋلىگىنە 3 مىڭ شارشى مەترگە دەيىن ارتتى.
وسىنىڭ بارلىعى ىشكى جانە سىرتقى نارىقتاعى باسەكەگە قابىلەتتىلىكتى ەسەلەي ءتۇستى. اي سايىن 350 مىڭ شارشى مەترگە دەيىن ءونىم شىعارا الاتىن كاسىپورىندا بۇگىندە 165 ادام تۇراقتى جۇمىسپەن قامتىلعان.
«جابدىققا باعىتتالعان ستراتەگيالىق ينۆەستيتسيالار مەن مەملەكەت تاراپىنان كورسەتىلگەن قولداۋدىڭ ارقاسىندا ءبىز سالاداعى ورنىمىزدى نىعايتىپ, تۇراقتى ءوسىمدى قامتاماسىز ەتتىك», دەيدى ءوندىرىس جونىندەگى ديرەكتوردىڭ ورىنباسارى الەكساندر ين.
Lam.Tech كومپانياسى الداعى ۋاقىتتا دا ءوندىرىس كولەمىن ۇلعايتىپ, جاڭا تەحنولوگيالار ەنگىزۋ ارقىلى ءونىم تۇرلەرىن كوبەيتۋدى كوزدەپ وتىر. باسشىلىقتىڭ پايىمداۋىنشا, مەملەكەتتىك قولداۋ – تۇراقتى دامۋعا باستايتىن سەنىمدى جول. ويتكەنى شىعىنداردىڭ ءبىر بولىگىن وتەۋ ارقىلى ينۆەستيتسيالىق جۇكتەمە ازايىپ, جاڭا ءوندىرىس جەلىلەرىن ىسكە قوسۋ ۋاقىتى قىسقارا تۇسەدى.
ايتا كەتەيىك, QazIndustry تاراپىنان تەحنولوگيالىق پروتسەستەردى جەتىلدىرۋ, ءوندىرىستى جاڭعىرتۋ جانە ءونىمدى ىلگەرىلەتۋ باعىتىنداعى شىعىنداردىڭ 40–50 پايىزىنا دەيىن (60 ميلليون تەڭگەدەن اسپايتىن كولەمدە) وتەۋ قاراستىرىلعان. بۇل – كاسىپورىنداردىڭ الەۋەتىن ارتتىرىپ, وتاندىق ونىمدەردىڭ ساپاسىن جاقسارتۋعا باعىتتالعان ماڭىزدى قولداۋ تەتىگى.
