فوتو: اشىق دەرەككوز
پرەزيدەنتتىك ورتالىعىندا بەلگىلى قازاقستاندىق ءفوتوتىلشى, ولكەتانۋشى نۇرمۇحاممات يماموۆتىڭ «مەنىڭ استانام: وتكەنى مەن بۇگىنى» اتتى فوتوكورمەسىنىڭ سالتاناتتى اشىلۋى ءوتتى. كورمە استانا كۇنىنە وراي ۇيىمداستىرىلىپ وتىر.
ەكسپوزيتسياعا نۇرمۇحاممات يماموۆتىڭ 40 جىلدان استام ۋاقىت ىشىندە «اقمولا پراۆداسى» جانە باسقا دا باسىلىمداردا ءفوتوتىلشى رەتىندە ەڭبەك ەتكەن جىلدارىندا تۇسىرىلگەن 300-دەن استام ارحيۆتىك سۋرەتتەرى ەنگىزىلگەن. فوتوسۋرەتتەردە ەلوردانىڭ قالىپتاسۋ كەزەڭدەرى, ساۋلەت كەلبەتىندەگى وزگەرىستەر, تۇرعىنداردىڭ كۇندەلىكتى ءومىرى مەن قاراپايىم ادامداردىڭ بەينەسى بەينەلەنگەن.
شارا بارىسىندا ءسوز العان پرەزيدەنتتىك ورتالىقتىڭ ديرەكتورى باقىتجان تەمىربولات ءفوتوتىلشىنىڭ ەڭبەگىنە ەلەۋلى باعا بەردى.
«قازىرگى استانا – تەك اكىمشىلىك ورتالىق قانا ەمەس, ول – ءبىر ۇرپاقتىڭ تاۋەلسىز, دامىعان جانە گۇلدەنگەن قازاقستان تۋرالى ارمانىن بەينەلەيتىن سيمۆول. ەلوردانىڭ ساۋلەتىندە ۇلتتىق ءداستۇر مەن زاماناۋي تەحنولوگيالار ۇندەسىپ, ونىڭ تاريحىندا ەرلىك, ەڭبەك جانە جاسامپازدىق جاتىر. نۇرمۇحاممات يماموۆتىڭ فوتوجۇمىستارى – جاي سۋرەت ەمەس. بۇل – ءوز ءداۋىرىنىڭ تىنىسىن سەزىنە بىلگەن ادامنىڭ كوزقاراسى, وزگەرىستەردى كورىپ, تاريحتى ساقتاي العان جاننىڭ شىنايى حرونيكاسى. ونىڭ وبەكتيۆى – ءبىزدى ونجىلدىقتارمەن جەتەلەيتىن جول. بۇل كورمە وتكەنگە كوز جۇگىرتىپ, جۇرەكپەن سەزىنۋگە مۇمكىندىك بەرەتىن ەرەكشە وقيعا. ول ءاربىرىمىزدىڭ جۇرەگىمىزگە جول تاباتىنىنا سەنەمىن», دەدى ول.
كورمەنىڭ اشىلۋى ەلوردا تۇرعىندارى مەن قوناقتارى ءۇشىن ماڭىزدى مادەني وقيعاعا اينالىپ وتىر. ءتۇرلى كەزەڭدەردە تۇسىرىلگەن يماموۆتىڭ فوتوسۋرەتتەرى قالانىڭ العاشقى دامۋ ساتتەرىنەن باستاپ بۇگىنگى قارقىندى تۇردە ىلگەرىلەگەن مەگاپوليسكە دەيىنگى جولدى جوعارعى شابىتپەن, كەڭ اۋقىمدى كورنەلىكتپەن بەينەلەگەن.
«مەن بۇرىنعى اقمولينسك قالاسىندا, اقمولينسك كوشەسىندە تۋىپ-ءوستىم. يماموۆتار وتباسىمەن كورشى بولدىق. سوندىقتان بۇل كورمەنىڭ اشىلۋىنا قاتىسۋ – مەن ءۇشىن ەرەكشە تولعانىستى ءسات. نۇرمۇحاممات يماموۆ تەك سۋرەتكە ءتۇسىرىپ قويعان جوق – ول ۋاقىت رۋحىن ساقتاپ قالدى. ونىڭ ءارحيۆى – ءالى تولىق زەردەلەنبەگەن ءتىرى تاريح. الەۋمەتتىك جەلىلەردە جاريالانىپ جاتقان ونىڭ سۋرەتتەرى – ناعىز مۇرا. وندا ءبىزدىڭ كوشەلەرىمىز, ۇيلەرىمىز, تانىس جۇزدەر – ءبارى جاندى. ءار سۋرەت – جۇرەگىمىزدىڭ, قالامىزعا دەگەن ماحابباتىمىزدىڭ ايعاعى. ول مۇنىڭ ءبارىن اتاق ءۇشىن ەمەس, بولاشاق ۇرپاق ءۇشىن جاسادى. ەندى وسى ءىستى جالعاستىرۋ – ءبىزدىڭ پارىزىمىز», دەدى ولكەتانۋشى, OldAstana جوباسىنىڭ اۆتورى رافايل داۆلەتكيلدەەۆ.
كورمە كورەرمەندەرگە ەلوردانىڭ رەسمي ەمەس, كۇندەلىكتى تىرشىلىگىن – اۋلالارىن, كوشەلەرىن, مەرەكەلەر مەن قاراپايىم ءومىر كورىنىستەرىن كورۋگە مۇمكىندىك بەرەدى.
ايتا كەتەيىك, «مەنىڭ استانام: وتكەنى مەن بۇگىنى» فوتوكورمەسى استانالىق تۇرعىندار مەن قوناقتار ءۇشىن 2025 جىلعى 10 تامىزعا دەيىن پرەزيدەنتتىك ورتالىقتا وتەدى.
