اباي ەلى قانداستار كوشىمەن تولىعادى

بۇگىندە ەلىمىزدىڭ تەرىسكەيى مەن كۇنگەيىندە اۋىل حالقىنىڭ ازايۋ ءۇردىسى بايقالادى. وسى ءبىر ولقىلىقتىڭ ورنىن تولتىرۋ ماقساتىن­دا قازىر ەڭبەك كۇشى, مامانداردان تاپشى­­لىق كورىپ وتىرعان, مەكتەپتە بالا سانى­نىڭ ازايۋى­نان جابىلۋدىڭ از-اق الدىندا تۇرعان مەكەندەرگە كەلگەن ءار اعايىن­نىڭ قادىرى ارتىق ەكەنى تۇسىنىكتى. مەملەكەت­تىڭ دە مەجەمدى ويى وسىعان سايادى. «قازاق­تار قاي جەردە ءومىر سۇرسە دە, ولاردىڭ جالعىز وتانى – قازاقستان. سوندىقتان شەتەلدە تۇراتىن وتانداستارىمىزدى قولداۋ ارقاشان ماڭىزدى», دەگەن ەدى مەملەكەت باسشىسى.

رەسمي دەرەككە سۇيەنسەك, بيىل اباي وبلىسىندا مەملەكەتتىك قولداۋ اياسىن­دا 503 ازاماتقا كوش شىعىندارىن وتەۋگە ءبىر رەتتىك ماتەريالدىق كومەك كورسەتىلىپ, 152 وتباسىنىڭ تۇرعىن ءۇي جالداۋ, كوممۋنالدىق قىزمەت شىعىندا­رى وتەلگەن. 112 وتباسىنا تۇرعىن ءۇي ساتىپ الۋعا ەكونوميكالىق ۇتقىرلىق سەرتيفيكاتتارى بەرىلدى. سەرتيفيكات قاراجاتى ءبىر وتباسىنا تۇرعىن ءۇي قۇ­نىنىڭ 50%-ى, ياعني 1 160 اەك-تەن اسپايتىن مولشەردە بەلگىلەنگەن.

«ەرىكتى تۇردە وڭىرارالىق قونىس اۋدا­رۋ­­شىلارعا قولداۋ كورسەتۋ اياسىندا جەر­گىلىكتى بيلىكتەن مەملەكەتتىك جەڭىل­دىك­تەر قاراستىرىلعان. اتاپ ايتقاندا, كوشۋگە ءبىر رەتتىك ماتەريالدىق كومەك, وتاعاسىنا, وتباسىنىڭ ءاربىر مۇشەسىنە 70 اەك بەرىلەدى. ىشكى قونىس اۋدارۋشىلار مەن شەتەلدەن كەلگەن قازاقتار قاجەت بولعان جاعدايدا تەحنيكالىق, كا­سىپتىك وقىتۋعا, قىسقامەرزىمدى كۋرستارعا جىبەرىلەدى», دەيدى وبلىستىق جۇمىسپەن قامتۋ جانە الەۋمەتتىك باعدارلامالار­دى ۇيلەستىرۋ باسقارماسىنىڭ باسشىسى ايمان نۇرلىبەك.

سونىمەن قاتار قالاعا قونىس اۋدار­عان­دارعا ءبىر ادامعا 20 اەك, وتباسى مۇشە­لە­رىنىڭ سانى ەكى نە ءتورت ادام بولسا – 25 اەك, وتباسى مۇشەلەرىنىڭ سانى بەس, ودان دا كوپ بولسا 30 اەك كومەك كورسەتىلەدى. اۋىلدى جەرگە كوشىپ بارسا, ءبىر ادامعا – 15 اەك, وتباسى مۇشەلەرىنىڭ سانى ەكى نە ءتورت ادام بولسا – 18 اەك, وتباسى مۇشە­­لە­رىنىڭ سانى بەس, ودان دا كوپ بولسا, 21 اەك تولەنەدى.

«ەلىمىزدە الىس-جاقىن شەتەلدەردەن كوشىپ كەلگەن ازاماتتار «اتا جولى» كارتاسىن الا الادى. ونىمەن ەل اۋماعىندا 10 جىل ەركىن تۇرىپ, جۇمىس ىستەيدى, سونداي-اق تۇراتىن ايماقتى ءوزىنىڭ تاڭداۋ مۇمكىندىگى بار. «اتا جولى» كارتاسى بار شەتەل قازاعى باسقا ەلدىڭ ازاماتى بولا وتىرىپ, قازاقستان ازاماتتارىمەن تەڭ قۇقىققا يە», دەيدى ايمان نۇرلىبەك.

«اتا جولى» كارتاسىنىڭ نەگىزى ماق­ساتى – ءار قازاقتىڭ تاريحي وتانىمەن باي­لانىسىن نىعايتۋ, ەلگە تابىستى بيزنەس­مەندەردى تارتۋ. ماسەلەن, بيىل ەل كولە­مىندە ءوز ءىسىن دامىتۋعا دايىن بيزنەس-يمميگرانتتار 27 كارتا السا, سۇرانىسقا يە ماماندار وسىنداي 38 كارتانىڭ يەگەرى اتاندى.

«2025 جىلى قونىس اۋدارۋشىلار مەن قانداستاردى قابىلداۋدىڭ وڭىرلىك كۆوتاسىمەن باعدارلاما اياسىندا اباي وبلىسىنا 499 ادامدى (244 قانداس, 255 قونىس اۋدارۋشى) ورنالاستىرۋ جوس­پارلانىپ وتىر», دەيدى وڭىرلىك كوشى-قون سالاسىنىڭ ماماندارى.

دەمەك بيىل اباي ەلىندە تاعى دا 500 ادامدى قابىلداۋعا مەملەكەتتىك جەڭىلدىكتەر قاراستىرىلىپ وتىر دەگەن ءسوز.