تۇسكى ساعات 14.00-16.00 ارالىعىندا 500-دەن اسا كولىككە كومەك كورسەتىلدى. بوران كۇشەيىپ, كولىكپەن جول كورسەتۋ مۇمكىن بولماي قالعان شاقتا ۇلىتاۋ وبلىسى پوليتسيا دەپارتامەنتىنىڭ پاترۋلدىك پوليتسيا روتاسىنىڭ قىزمەت ينسپەكتورى, پوليتسيا اعا لەيتەنانتى ابدىبەك دارحان ساندىبەك ۇلى تىڭ شەشىم قابىلدادى.
ول قىزمەت كولىگىنەن شىعىپ, كەپتەلىپ تۇرعان كولىكتەردىڭ الدىنا ءتۇسىپ, جاياۋ ءجۇرىپ جول باستادى. سونىڭ ارقاسىندا كولىكتەر جول بويىندا تۇرىپ قالعان جوق. جول ينسپەكتورىنىڭ بۇل ارەكەتىنە جولاۋشىلار وتە ريزا بولىستى. ولار قازىر دارحاندى ماراپاتتاۋ تۋرالى جوعارى باسشىلىققا ۇسىنىس ءبىلدىرىپ جاتىر. ول مەملەكەتتىك اۆتوينسپەكتسيا جۇيەسىندە 2015 جىلدان بەرى قىزمەت اتقارىپ كەلەدى ەكەن.
«كەشەگى بوران سونداي قاتتى بولدى. ادامدار قانشا ەسكەرتۋ جاسالعانىنا قاراماستان جولعا شىعىپ كەتەدى. ال, قانداي جاعداي بولسا دا ولارعا كومەكتەسۋگە مىندەتتىمىز. مەن سول مىندەتىمدى ورىندادىم», دەيدى د. ابدىبەك.
