بۇل ءىرى جوبا قان جۇيەسى مەن كارديو-تامىر جۇيەسى اۋرۋلارىن دياگنوستيكالاۋ مەن ەمدەۋدىڭ جوعارى دەڭگەيىنە شىعارۋعا ارنالعان. سونداي-اق ەلدەگى مەديتسينالىق كومەكتىڭ ساپاسىن ەداۋىر ارتتىرۋعا مۇمكىندىك بەرەدى.
«ورتالىق «Amanat» پارتياسىنىڭ سايلاۋالدى باعدارلاماسى اياسىندا سالىنىپ جاتىر. وسى جىلدىڭ سوڭىنا دەيىن نىسان قولدانىسقا بەرىلەدى دەپ جوسپارلانىپ وتىر. قۇرىلىس جۇمىستارىنىڭ ۋاقتىلى ءارى ساپالى ورىندالۋى پارتيانىڭ تىكەلەي باقىلاۋىندا بولادى. بۇدان بولەك, بىلتىر ءبىز مەديتسينا قىزمەتكەرلەرىنىڭ كاسىپتىك جاۋاپكەرشىلىگىن ساقتاندىرۋ تۋرالى زاڭ قابىلدادىق. بۇل زاڭ دارىگەرلەرمەن بىرگە ازىرلەندى جانە ولاردىڭ مۇددەسىن قورعاۋعا باعىتتالعان. وسى باعىتتاعى جۇمىستى ءبىز ءارى قاراي جالعاستىرا بەرەمىز», دەدى ە.سايروۆ.
نىسان بىرنەشە كورپۋستى قامتيدى. باس عيماراتتا حيميوتەراپيا كۇندىزگى ستاتسيونار, بالالار ستاتسيونارى, سوماتيكا, ەرەسەكتەر گەماتولوگياسى, كارديولوگيا جانە كارديوحيرۋرگيا, سونداي-اق سۇيەك كەمىگىن ترانسپلانتاتسيالاۋ بولىمشەلەرى ورنالاسادى. سونىمەن قاتار كونسۋلتاتسيالىق-دياگنوستيكالىق بولىمشە دە جۇمىس ىستەيتىن بولادى. بارلىق قۇرىلىس-مونتاج جۇمىستارى كەستەگە سايكەس جۇرگىزىلىپ جاتىر.
«قازىرگى ۋاقىتا قۇرىلىستىڭ ىشكى جۇمىستارى جۇرگىزىلىپ جاتىر. ءتيىستى قۇرال جابدىقتار دا ساتىپ الىنىپ جاتىر. بەكىتىلگەن مەرزىمدە نىساننىڭ قۇرىلىسىن اياقتاپ, قولدانىسقا بەرۋ قاجەت. ايتا كەتۋ كەرەك, بۇل نىسانت شەتەلدەن قايتارىلعان اكتيۆتەردىڭ ەسەبىنەن سالىنىپ جاتىر. ەندىگى كەزەكتە قۇرىلىس ساپاسىنا باقىلاۋ كۇشەيتىلىپ, بارلىق جۇمىس بەلگىلەنگەن ستاندارتتارعا ساي جۇرگىزىلۋى ءتيىس. نىساننىڭ ۋاقتىلى ىسكە قوسىلۋى ءوڭىر تۇرعىندارىنىڭ ءومىر ءسۇرۋ جاعدايى مەن ايماقتىڭ دامۋىنا ەلەۋلى ۇلەس قوسپاق», دەدى ۇ.تۇماشينوۆ.
جوبانىڭ جالپى قۇنى – 71,3 ملرد تەڭگە. قۇرىلىس باستالعالى بەرى 37,7 ملرد تەڭگە يگەرىلدى. قازىرگى ۋاقىتتا قۇرىلىس جۇمىستارىنىڭ 78 پايىزى ورىندالعان.
