فوتو: Lee Young-ju/Maeng Dae-hwan/AP Photo
Yonhap اگەنتتىگىنىڭ حابارلاۋىنشا, Jeju Air اۋە كومپانياسىنىڭ Boeing 737-800 جولاۋشىلار ۇشاعى ۇشۋ-قونۋ جولاعىنان شىعىپ كەتىپ, قورشاۋعا سوعىلعان.
الدىن الا مالىمەت بويىنشا, اپات قۇستار سوعىلعان شاسسيدەگى اقاۋ سالدارىنان بولعان.
باستاپقىدا 47, ارتىنشا 62 ادامنىڭ ءتىرى قالعانى تۋرالى اقپارات تاراعان. الايدا سوڭعى دەرەكتەرگە سايكەس, تەك 2 ادامنىڭ امان قالعانى بەلگىلى بولدى.
«سوڭعى مالىمەت بويىنشا, 179 ادام قازا تاپتى. بورتتا بارلىعى 175 جولاۋشى مەن 6 ەكيپاج مۇشەسى بولعان. جولاۋشىلار اراسىندا 173 كورەي جانە 2 تايلاند ازاماتى بولعان. كەم دەگەندە ەكى ادام امان قالدى», دەلىنگەن اگەنتتىك حابارلاماسىندا.
ايتا كەتەرلىگى, بانگكوكتان ۇشىپ شىققان ۇشاق جەرگىلىكتى ۋاقىت بويىنشا 08:30-دا قونۋى ءتيىس ەدى. الدىن الا مالىمەتتەر بويىنشا, ءشاسسيدىڭ دۇرىس جۇمىس ىستەمەۋىنە بايلانىستى ۇشاق فيۋزەلياجعا قونۋعا ارەكەتتەنگەن, بىراق ۇشقىشتار ۇشۋ-قونۋ جولاعىنىڭ سوڭىنا دەيىن جىلدامدىعىن تومەندەتە الماي, سوڭىندا قورشاۋعا سوعىلعان. سالدارىنان ۇشاق جانىپ كەتكەن.
