2023 جىلدىڭ 1 قاڭتارىنان باستاپ الماتى اكىمى ەربولات دوساەۆتىڭ تاپسىرماسى بويىنشا ءۇي ىشىندەگى اۋماقتار اۋدان اكىمدىكتەرىنىڭ قاراجاتى ەسەبىنەن جينالادى. بۇعان دەيىن پيك تازالاۋشىلارىنىڭ ساپاسىز جۇمىسى ماسەلە بولىپ, وعان تۇرعىندار ۇنەمى شاعىمدانعان. اۋدان اكىمدىگىنىڭ بۇل جۇمىسقا قاراجاتى بولمادى. سونىمەن قاتار م ۇلىك يەلەرى مەن قاراپايىم سەرىكتەستىكتەردىڭ بىرلەستىكتەرىن قۇرۋ كەزىندە ءۇي ىشىندەگى اۋماقتار ءىس جۇزىندە يەسىز قالعان كەزدە قۇقىقتىق ۆاكۋم پايدا بولدى.
بۇگىندە جاعداي جاقسى جاققا وزگەردى. ەندى كوشەلەر, ساياباقتار مەن اۋلالاردىڭ تازالىعىنا جاۋاپتى مەردىگەرلەر ءوز مىندەتتەرىن دۇرىس ورىنداماعانى ءۇشىن قاتاڭ جاۋاپ بەرەدى. بوستاندىق اۋدانىنىڭ اكىمى سانجار الين اتاپ وتكەندەي, تازالاۋ ساپاسىن باقىلاۋ ءۇشىن وسي جانە پيك توراعالارى, سونداي-اق مەسسەندجەرلەر ارقىلى اۋدان تۇرعىندارىمەن كەرى بايلانىس جۇيەسى قولدانىلادى.
«ەگەر مەردىگەرلەر ءوز مىندەتتەمەلەرىن ورىنداماسا, ءبىز جەدەل ارەكەت ەتەمىز. الدىمەن ۋچاسكە باستىعىنا, سودان كەيىن ۇيىمنىڭ وزىنە ايىپپۇل سالامىز. ەگەر جاعداي تۇزەتىلمەسە, ءبىز شارتتى سوت ارقىلى بۇزامىز. سوتقا دەيىنگى حات جىبەرىلگەن مەردىگەر بار», دەدى اۋدان اكىمى.
جالپى, بوستاندىق اۋدانىندا اۋماقتاردى جيناۋ جۇيەلى نەگىزدە جۇرگىزىلەدى. وسىلايشا, «Stamp Service» جشس جالپى اۋدانى 309,7 گا بولاتىن 4 ساياباقتى, 13 سكۆەردى, 9 بۋلۆاردى, ءبولۋ جولاقتارىن, قوعامدىق پايدالانۋ ورىندارىن, ۇلكەن الماتى جانە ەسەنتاي وزەندەرىنىڭ جاعالاۋلارىن جانە كولىك ايرىقتارىن تازالاۋ جانە كۇتىپ ۇستاۋ جۇمىستارىن جۇرگىزىپ جاتىر.
«الماتى تازالىق» كمك اۋدان اۋماعى شەگىندە جالپى ۇزىندىعى 272,9 كم 6 كولىك جول ايرىعى, 263 كوشە مەن وتپە جولدىڭ جول توسەمىن تازالاۋ جۇمىستارىن جۇرگىزەدى. بۇدان باسقا, اۋدانى 456 678 ش. م. 180,9 كم تروتۋارلاردى مەحانيكالاندىرىلعان جانە قولمەن تازالاۋ جۇرگىزىلەدى. 7 بىرلىك ارنايى تەحنيكا, 28 جۇمىسشى جۇمىلدىرىلدى.
«ەۋرازياكازينۆەست» جشس 7 جەر ءۇستى جانە 12 جەراستى جاياۋ جۇرگىنشىلەر وتكەلدەرىن كۇتىپ ۇستاۋدى جۇزەگە اسىرادى. اۋلالاردى كۇتىپ ۇستاۋمەن «ابس-لد ستروي» جشس, «اۆان قۇرىلىس» جشس, «الماتى دورمەحانيزاتسيا» جشس, «Senim Group Construction» جشس سياقتى اۋداننىڭ مەردىگەرلىك ۇيىمدارى كۇن سايىن 670 اۋلاىشىلىك اۋماقتى سانيتارلىق تازالاۋمەن اينالىسادى.
سونىمەن قاتار الماتى قالاسى كوممۋنالدىق ينفراقۇرىلىمدى دامىتۋ باسقارماسى باسشىسىنىڭ ورىنباسارى جانات جاقىپبەكتىڭ اقپاراتى بويىنشا, كۇندىزگى كەزەڭدە تەحنيكانىڭ كوشەلەردى تازالاۋعا شىعۋى 600-گە جۋىق بىرلىكتى جانە 800 جول جۇمىسشىسىن, تۇنگى اۋىسىمدا 220 بىرلىك تەحنيكانى جانە 250-گە دەيىن جول جۇمىسشىسىن قۇرايدى. 9 مەردىگەر ۇيىمنىڭ كۇشىمەن «الماتى تازالىق» مكك-نەن باسقا جالپى ۇزىندىعى 2,7 مىڭ كم-دەن اساتىن 2318 كوشەدەن سانيتارلىق تازالاۋ جۇرگىزىلەدى. قىسقى كەزەڭگە اۋماقتارعا قىزمەت كورسەتۋ ءۇشىن 841 بىرلىك تەحنيكا دايىندالدى, جولدار مەن تروتۋارلاردى تازارتۋعا 1400 جول جۇمىسشىسى تارتىلاتىن بولادى.
