فوتو: altyalash.kz
ءىس-شاراعا مينيسترلىك وكىلدەرى, ەلىمىزدىڭ ءار ايماعىنىڭ جاس اقىن-جازۋشىلارى, رەسپۋبليكالىق ادەبي بايقاۋلاردىڭ جەڭىمپازدارى, ءوڭىر قالامگەرلەرى مەن كىتاپحانا قىزمەتكەرلەرى قاتىستى. وتىرىستا ادەبيەت سالاسىنا قاتىستى, ونىڭ ىشىندە قوعامدىق ماڭىزى بار ادەبيەتتەردى باسىپ شىعارۋ, جاس قالامگەرلەردى قولداۋ, ادەبي بايقاۋلار ۇيىمداستىرۋ ماسەلەلەرى تالقىلاندى. سونداي-اق قالامگەرلەر ادەبيەتتى دامىتۋدا وزدەرىن تولعاندىرعان ويلارى مەن ۇسىنىستارىن ورتاعا سالىپ, جوسپارلارىمەن ءبولىستى. وتىرىس بارىسىندا جاستار اراسىنداعى ادەبي بايلانىستى ارتتىرۋ, وڭىردەگى قالامگەرلەردى قولداۋ, كىتاپ نارىعىن, اۋدارما سالاسىن دامىتۋ ماسەلەلەرى دە نازاردان تىس قالمادى.
مادەنيەت جانە اقپارات مينيسترلىگى, الماتى, جەتىسۋ وبلىسى اكىمدىكتەرىنىڭ ۇيىمداستىرۋىمەن ۇلتىمىزدىڭ ءدۇلدۇل اقىنى ءىلياس جانسۇگىروۆتىڭ 130 جىلدىعىنا, كلاسسيك جازۋشى بەردىبەك سوقپاقباەۆتىڭ 100 جىلدىعىنا وراي جاس اقىن-جازۋشى-
لارعا ارنالعان ادەبي تۋر باستالعان بولاتىن. الماتى وبلىسىنان باستاۋ العان ادەبي تۋر جەتىسۋ وبلىسىندا جالعاسىپ, قاتىسۋشىلار كورنەكتى قالامگەر سايىن مۇراتبەكوۆتىڭ تۋعان جەرىنە بارىپ, جازۋشىنىڭ «جابايى الما» پوۆەسىنە ارقاۋ بولعان الما باعى مەن ءوزى تۇرعان ءۇيىن كوردى. سونداي-اق ادەبي كلۋب مۇشەلەرى ءى.جانسۇگىروۆ اتىنداعى ادەبي مۋزەيگە, م.تىنىشپاەۆ اتىنداعى وبلىستىق تاريحي-ولكەتانۋ مۋزەيىنە, اقىن سارانىڭ مەموريالدى مۋزەيىنە جانە تامشىبۇلاق مەكەنىنە باردى.
