فوتو: ۆيدەوسكرين. وبلىستىڭ تج جونىندەگى جەدەل شتابى
25 مامىردا تالدىكول اۋىلىنا تولىق ەۆاكۋاتسيا جاريالانعان ۋاقىتتا, تجم, اسكەريلەر جانە جەرگىلىكتى ازاماتتاردىڭ اس-سۋىن دايىنداۋ ءۇشىن 10-عا جۋىق ايەل ادام ءوز ەرىكتەرىمەن سۇرانىپ, اۋىلدا قالدى. ولار بالاباقشا اسحاناسىندا تاماق دايىندادى. قيىن كەزدە ەرلىكتىڭ ۇلگىسىن كورسەتكەندەردىڭ قاتارىندا قاناعات وتەپقاليەۆا دا بار.
«تاسقىن بولاتىنى تۋرالى ساۋىردە ەستىدىك. ينتەرنەتتە ءتىپتى «بۇكىل اۋىلدى سۋ باسىپ كەتەدى» دەگەن دە جازبا تاراپ جاتتى. باستاپقىدا ۇرەي بولدى. بىراق قورقىنىشقا بوي الدىرماي, اۋىلىمىزدى ساقتاپ قالۋعا ءسال دە بولسا ۇلەس قوسۋعا ءتيىسپىز دەپ شەشتىك. وسىلايشا, اۋىل تۇرعىندارى بىرلەسىپ, جاعا نىعايتۋ جۇمىستارىنا كىرىستىك. تجم ماماندارى, اسكەريلەر كومەككە كەلدى. كەيىن ايەل ازاماتتار جاعا بەكىتىپ جۇرگەن ەرلەردى تاۋلىك بويى ىستىق تاعاممەن قامتىپ, ۋاقىتپەن ساناسپاي اۋىلدى ساقتاۋعا جۇمىلدىق. داۋرىعىپ, ۇرەيگە بوي الدىرعان بولساق, اۋىلىمىزدى ساقتاپ قالا الماس تا ەدىك. ءتىلسىز جاۋدى حالىقتىڭ بىرلىگى جەڭدى. اراعا 30 جىل سالىپ كەلگەن مول سۋ – سىن ساعاتتا بىرىگە بىلگەن حالىقتىڭ ەرلىگى ۇرپاققا وسيەت ەتەتىن تاريحي ءسات بولدى», دەيدى تالدىكول اۋىلى تۇرعىنى قاناعات وتەپقاليەۆا.
ەسكە سالايىق, ماحامبەت اۋدانى, بەيبارىس سەلولىق وكرۋگىنە قاراستى تالدىكول تاسقىن قاۋپى تونگەن اۋىلدىڭ ءبىرى. تاسقىننان قورعانۋ ءۇشىن اۋىلعا 3 شاقىرىمدىق قورعانىس بوگەتى سوعىلدى.
