فوتو: primeminister.kz
بۇگىنگى تاڭدا قازاقستاننىڭ بارلىق ءوڭىرى مەن استانا, الماتى جانە شىمكەنت قالالارىندا ارداگەرلەرگە تولەم جاسالدى. اتالعان ماقساتتارعا جەرگىلىكتى بيۋدجەتتەردەن بارلىعى 187 ملن تەڭگە ءبولىندى.
«الەۋمەتتىك كومەك كورسەتۋدىڭ قولدانىستاعى قاعيدالارىنا سايكەس 9 مامىرعا وراي بەرىلەتىن بىرجولعى تولەمدەر سوماسى جەرگىلىكتى بيۋدجەتتەردىڭ مۇمكىندىكتەرىنە جانە ءماسليحاتتاردىڭ شەشىمدەرىنە بايلانىستى ءار وبلىستا دەربەس بەلگىلەنەدى», دەلىنگەن حابارلامادا.
قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ۇسىنىسى بويىنشا سوڭعى جىلدارى كوپتەگەن وبلىستاردا ارداگەرلەرگە تولەمدەر بىرىڭعاي مولشەردە تولەنەدى.
«ماسەلەن, بيىل رەسپۋبليكا بويىنشا بىرجولعى الەۋمەتتىك كومەكتىڭ ورتاشا مولشەرى 1,5 ملن تەڭگەنءى قۇرادى. بۇل رەتتە كوپتەگەن وڭىرلەردە ورتاشا مولشەردەن جوعارى سوما تولەندى: اقمولا وبلىسىندا – 3 ملن تەڭگە, اقتوبە وبلىسىندا – 2 ملن تەڭگەدەن استام. اباي, الماتى, قاراعاندى, پاۆلودار وبلىستارى مەن استانا جانە الماتى قالالارىندا ۇوس قاتىسۋشىلارى 2 ملن تەڭگەدەن الدى», دەپ جازدى ۇكىمەتتىڭ ءباسپاسوز قىزمەتى.
بۇگىندە رەسپۋبليكادا 148 سوعىس ارداگەرى تۇرادى. سوعىس قاتىسۋشىلارىنا الەۋمەتتىك قولداۋدىڭ باسقا دا تۇرلەرىنە قاراماستان اي سايىن 16 اەك (2024 جىلى 59 072 تەڭگە) مولشەرىندە ارناۋلى مەملەكەتتىك جاردەماقى تولەنەدى.
