بىلتىرعى جەلتوقسان ايىنان باستاپ قازاقستان اۋماعىندا ۇلتتىق كيىم مەن ەل مادەنيەتىن ناسيحاتتاۋعا باعىتتالعان «ۇلتتىق سەزىم» فلەشموبى وتكىزىلىپ كەلەدى. باستامانى كوتەرگەن – YPO Kazakhstan كومپانياسىنىڭ توراعاسى قانات كوپباەۆ. بۇل كۇنى بىرقاتار ۇيىمنىڭ قىزمەتكەرلەرى, ستۋدەنتتەر مەن وقۋشىلار زاماناۋي ستيلدەگى ۇلتتىق كوستيۋمدەر كيىپ, ءداستۇرلى اكسەسسۋارلار تاعادى. قازىرگى تاڭدا جوبانى ەلىمىزدەگى 100-دەن اسا كومپانيا, ءبىلىم بەرۋ ۇيىمدارى, ۇلتتىق سپورت قاۋىمداستىعى مەن ونىڭ فەدەراتسيالارى قولداپ, قاتىسۋشىلار سانى 20 000 ادامنان اسقان.
ولاردىڭ قاتارىندا كusto Group, Tas Group, Chocofamily Holding, «BI Group», Astana Group, Invictus, Novopack, Bilim Media Group, Ordamed Group, MYD Production, SDC, Freedom Holding Corp, Magnum, اق, «قتج» ۇك», NKB Group, AlemAgro, Iron Plast Group, Jusan Mobile, Grata International, بانك Centercredit, Viled Group, Caspian Sea Support, Kazakh Speaking Club, Kusto Logistics, Zhebe Logistics سەكىلدى كومپانيالار بار.
سونداي-اق ءارتۇرلى ءبىلىم بەرۋ مەكەمەلەرى دە باستاماعا قوسىلىپ, قولداۋ ءبىلدىرىپ وتىر. اتاپ ايتساق, قازبسقا, حبك, Esil University, Zubanov University ۋنيۆەرسيتەتتەرى جانە Kau School, High Tech Academy مەكتەپتەرى, ت.ب. بۇدان بولەك, اي سايىن باستاماعا بۇكىل قازاقستان بويىنشا ورتا مەكتەپتەردىڭ مۇعالىمدەرى مەن وقۋشىلار دا قولداۋ ءبىلدىرىپ كەلەدى.
«ۇلتتىق سەزىم» ۇيىمداستىرۋشىلارىنىڭ ايتۋىنشا, جوبانىڭ باستى ماقساتى – سالت-ءداستۇر مەن مادەني مۇرانى ساقتاپ, تاراتۋ, ۇلتتىق كيىم قولونەرى مەن نارىعىن دامىتۋ, سونداي-اق وسى سالادا جۇمىس ىستەيتىن جاس ديزاينەرلەر مەن قولونەرشىلەرگە قولداۋ كورسەتۋ.
