28 اقپان كۇنى لاتىن امەريكاسىندا «Andromeda» راديوستانساسىنىڭ «ديماش عالامى» باعدارلاماسىندا ديماشتىڭ «When I’ve Got You» اتتى جاڭا ءانى العاش رەت تىڭدارمانعا جول تارتتى. تىڭداۋشىلار شىعارمانى ەرەكشە ۇناتىپ, راديوجۇرگىزۋشىلەردەن جاڭا تۋىندىنى قايتا قويۋدى وتىنگەن.
Universo Dimash («ديماش عالامى») باعدارلاماسى العاش رەت تۋرا ءبىر جىل بۇرىن, ياعني 2023 جىلدىڭ 1 ناۋرىزىندا ەلىمىزدە العىس ايتۋ كۇنى مەن ناۋرىز مەيرامىنىڭ قارساڭىنا وراي ەفيرگە شىققان ەدى. ديماش اندەرى العاش رەت 7 اقپاندا مەكسيكا راديوسىنان شىرقالعان بولاتىن. بۇل قوردالى ەڭبەكتى جۇزەگە اسىرىپ, ۇيىمداستىرعان – ءانشىنىڭ حالىقارالىق Mahabbat Dears فان-كلۋبى. ەفيردىڭ تىڭداۋشىلار اراسىندا ۇلكەن تولقۋ مەن سۇرانىس تۋدىرعانى سونشالىق, Andromeda Radio جۇرگىزۋشىلەرى تولىعىمەن قازاق ءانشىسىنىڭ شىعارماشىلىعىنا ارنالعان جاڭا باعدارلاما جاساۋدى ۇيعارعان. «ديماش عالامى» اتتى باعدارلاما قۇرىلعاننان بەرى ەفيردە 14 ەپيزود جارىق كورىپ, تىڭدارماننىڭ كوزايىمىنا اينالىپ كەلەدى.
