فوتو: gov.kz
«وسىعان ۇقساس وسى اۋداننىڭ قانىش ساتباەۆ اۋىلىندا گيدرومەليوراتيۆتىك جۇيەنى قايتا جاڭارتۋعا 1,2 ملرد تەڭگە كولەمىندە بيۋدجەت قاراجاتى ءبولىندى. ەكى جاعدايدا دا جوبالاۋ-سمەتالىق قۇجاتتامادا دامبانى قايتا جاڭارتۋ كوزدەلگەن. وسى جۇمىستى جۇرگىزۋگە قويىلاتىن بىلىكتىلىك تالاپتارىندا مەملەكەتتىك ليتسەنزياسىز, ياعني ءتيىستى ءبىلىمى مەن جۇمىس تاجىريبەسى جوق شارۋاشىلىق جۇرگىزۋشى سۋبەكتىلەر جىبەرىلگەن, الايدا بۇندايعا جول بەرىلمەيدى.
قاداعالاۋ اكتىسى بويىنشا جاريالانعان كونكۋرستىڭ قورىتىندىسى شىعارىلعانعا دەيىن كۇشى جويىلدى, كىنالى تۇلعالار جاۋاپقا تارتىلدى. پاۆلودار وبلىسىنىڭ پروكۋراتۋراسى جىل باسىنان 4,4 ملرد تەڭگەگە 25 مەملەكەتتىك ساتىپ الۋدىڭ كۇشىن جويدى.
قازىرگى ۋاقىتتا پروكۋراتۋرا 2024 جىلعا ارنالعان بيۋدجەتتىك جوسپارلاۋ ساتىسىندا شارالار قابىلداۋدا. مىسالى, ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ بيۋدجەتتىك وتىنىمىندە اققۋلى اۋدانىنداعى توساعاش جانە مايقاراعاي اۋىلدارىندا 25 ملن تەڭگە سوماسىنا بالالار الاڭدارىن جايلاستىرۋ جوسپارلانعان.
وسى وتىنىمدەردى زەردەلەۋ ەكى اۋىلدىق وكرۋگتە بىردەي ويىن كەشەندەرىنە 50%-عا جۋىق قىمباتتاتىلعان تۇرلى باعا ۇسىنىستارىن قولدانعانىن كورسەتتى», دەلىنگەن اقپاراتتا. پاۆلودار وبلىسىنىڭ پروكۋراتۋراسى وسى فاكت بويىنشا ءتيىستى شارا قابىلدانعانىن ءمالىم ەتتى.
