فوتو: akorda.kz
پرەزيدەنت جاڭادان تاعايىندالعان ۇكىمەت باسشىسىنا ەلىمىزدەگى الەۋمەتتىك-ەكونوميكالىق سالاعا جاڭا سەرپىن بەرۋ مىندەتىن جۇكتەدى.
«ەكونوميكانىڭ بارلىق سالاسىن دامىتۋ, ىنتالاندىرۋ جولدارى مەن الدىن الا مىندەتتەردى قايتا قاراۋ قاجەت. تۇپتەپ كەلگەندە, مەملەكەت ەندى ۇزدىكسىز قولداۋ شارالارىنان ناعىز ساپالى دامۋعا قولعابىس ەتۋ ىسىنە تۇبەگەيلى كوشۋ كەرەك. بۇل جۇمىستى ءسوز جۇزىندە ەمەس, ءىس جۇزىندە ورىندايتىن ۋاقىت جەتتى. وسىلايشا ءبىز وزىق دامۋ جولىنا ءتۇسىپ, ۇلتتىق ەكونوميكانى شىن مانىندە جاڭا دەڭگەيگە شىعارامىز. قازىر ەلىمىزدىڭ سالىق جانە بيۋدجەت كودەكستەرى مەملەكەتتىك ساتىپ الۋ جانە مەملەكەت پەن جەكە مەنشىك ارىپتەستىگى تۋرالى زاڭنامالار مۇلدە جاڭاشا سيپاتقا يە بولدى. سونىڭ ءبارى مەن جاريالاعان جاڭا ەكونوميكالىق ساياساتتى جۇزەگە اسىرۋدىڭ مىقتى تىرەگى بولۋعا ءتيىس», دەدى ق. توقاەۆ.
قاسىم-جومارت توقاەۆ ۇكىمەت مەملەكەتتىڭ دامۋ جولىندا ماڭىزدى شەشىمدەردى كوپ سوزباي قابىلداۋ كەرەك ەكەنىن ەسكەرتتى.
«سونىمەن قاتار الدىمىزدا تاريف ساياساتىنداعى كەدەرگىلەردى جويۋ, اگروسەكتوردى قايتا جانداندىرۋ الەۋمەتتىك سالانى باسقارۋ مەن قارجىلاندىرۋدىڭ ءتيىمدى تاسىلدەرىن ازىرلەۋ مىندەتى تۇر. بۇل جەردە, ارينە, ەڭ الدىمەن ۇكىمەت ماڭىزدى ءرول اتقارۋى ءتيىس. جاڭا قارقىنمەن جۇمىس ىستەۋ قاجەت. ماڭىزدى شەشىمدەردى شۇعىل قابىلداپ, كوپ سوزباي شەشۋشى قادامداردى جاساۋ كەرەك», دەدى مەملەكەت باسشىسى.
