فوتو: Ahn Young-joon / AP
Reuters اگەنتتىگىنىڭ حابارلاۋىنشا, وڭتۇستىك كورەيا مەملەكەتى ءيتتى جەۋ ءۇشىن اسىراۋعا, سويۋعا تيىم سالاتىن زاڭدى پرەزيدەنت يۋن سوك ءيولدىڭ باستاماسىمەن تالقىلاۋعا ۇسىنعان.
كوپشىلىك قولداعان قۇجاتقا ەل پرەزيدەنتى قول قويسا, زاڭ كۇشىنە ەنەدى.
زاڭدى بۇزعاندار ءۇش جىلعا سوتتالادى نەمەسە 23 مىڭ اقش دوللارى كولەمىندە ايىپپۇل تولەيدى. يت وسىرۋشىلەر مەن مەيرامحانا يەلەرىنە ءۇش جىل مەرزىم بەرىلىپ وتىر. ولار وسى ۋاقىت ىشىندە بيزنەسىن توقتاتادى نە بولماسا باسقا باعىتقا وزگەرتەدى.
اتالعان ەلدە بۇگىندە 100-دەن اسا يت اسىرايتىن فەرما بار. زاڭعا فەرمەرلەر ورە تۇرەگەلىپ قارسى شىقتى, ولاردىڭ ايتار ءۋاجى - ءيتتىڭ ەتىن جەۋگە تيىم سالىنسا, ميلليونعا جۋىق ادام جۇمىسسىز قالادى. دەي تۇرعانمەن دە سوڭعى جىلدارى وڭتۇستىككورەيالىقتار ءيتتىڭ ەتىن جەۋدەن باس تارتا باستاعان. الەۋمەتتىك ساۋالناما قورىتىندىسى دا وسىعان سايادى, جىلدان-جىلعا سۇرانىس تومەندەپ كەلەدى.
