فوتو: اشىق دەرەككوز
قازاقستاندا بىرقاتار جاردەماقى مەن الەۋمەتتىك تولەم اۆتوماتتى تۇردە تاعايىندالادى. ول ءۇشىن ءوتىنىش جازۋدىڭ قاجەتى جوق. بۇل ازاماتتاردىڭ ǝلەۋمەتتiك كەپىلدىكتەرىن پرواكتيۆتى فورماتتا قامتاماسىز ەتەتىن «وتباسىنىڭ تسيفرلىق كارتاسى» اقپاراتتىق جۇيەسى ارقىلى جۇزەگە اسادى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, بۇگىنگى تاڭدا الەۋمەتتىك-ەڭبەك سالاسىنداعى مەملەكەتتىك قىزمەتتەردىڭ 50 ءتۇرىنىڭ 48-ءىن ەلەكتروندى فورماتتا, 29-ىن پرواكتيۆتى تۇردە رەسىمدەۋگە بولادى. ولاردىڭ ىشىندە مەملەكەتتىك الەۋمەتتىك ساقتاندىرۋ قورىنان تاعايىندالاتىن جاردەماقىلار مەن الەۋمەتتىك تولەمدەر دە بار. جىل باسىنان بەرى بارلىعى ءبىر ميلليوننان استام قىزمەت اۆتوماتتى تۇردە بەرىلدى.
قازان ايىندا ءبىرىنشى, ەكىنشى, ءۇشىنشى توپتاعى مۇگەدەكتەرگە ارنايى مەملەكەتتىك جاردەماقى تاعايىندالدى. بۇعان دەيىن كوپبالالى انالارعا بەرىلەتىن جاردەماقى, مۇگەدەكتىگى بارلارعا تولەنەتىن الەۋمەتتىك تولەم جانە جەرلەۋگە بىرجولعى تولەم تاعايىنداۋ پروتسەسى تولىعىمەن اۆتوماتتاندىرىلعان بولاتىن.
سونىمەن قاتار ماسق-دان بىردەن ءۇش جاردەماقى مەن ءتورت الەۋمەتتىك تولەم تاعايىنداۋ ءىسى جەدەلدەدى.
جاردەماقىلار:
بالانىڭ دۇنيەگە كەلۋىنە بايلانىستى;
ءبىر جارىم جاسقا دەيىنگى بالا كۇتىمى بويىنشا;
كوپبالالى وتباسىلارعا بەرىلەتىن تولەم.
الەۋمەتتىك تولەمدەر:
جۇكتىلىك جانە بوسانۋ بويىنشا;
بالا ءبىر جارىم جاسقا تولعانعا دەيىن ونىڭ كۇتىمى بويىنشا;
ەڭبەككە قابىلەتتىلىگىنەن ايىرىلۋ جاعدايى بويىنشا;
جۇمىسىنان ايىرىلۋ جاعدايى بويىنشا.
بۇرىن بۇل تولەمدەردى تاعايىنداۋعا سەگىز جۇمىس كۇنى بەرىلەتىن, جەتى ادام شەشىم شىعاراتىن. ال قازىر شارۋانى ءتورت ادام تىندىرىپ وتىر. شەشىم ءتورت جۇمىس كۇنىندە شىعارىلادى.
جاردەماقىلار مەن الەۋمەتتىك تولەمدەردى وڭتايلاندىرۋ حالىقتىڭ الەۋمەتتىك جاعدايىنا عانا ەمەس مەملەكەتتىڭ بيۋدجەتىنە دە وڭ اسەرىن تيگىزدى. وسىلايشا 2023 جىلى 360 ملن تەڭگەدەن استام قارجى ۇنەمدەلدى.
