جارىستىڭ ءۇشىنشى راكەتكاسى بولىپ تىركەلگەن وتانداسىمىز بەلگياداعى دودانى ەكىنشى اينالىمنان باستاپ, تۇساۋكەسەر كەزدەسۋىندە فرانتسيالىق گرەگۋار باررەردەن باسىم تۇسسە, شيرەك فينالدا تاعى ءبىر فرانتسۋز وكىلى دجوۆانني مپەتشي پەرريكاردى جەڭدى. ال جارتىلاي فينالدا گەرمانيالىق ماكسيميليان مارتەرەردى جارىس جولىنان ىعىستىرىپ, ءتۋرنيردىڭ فينالىنا جولداما الدى.
باس جۇلدە ءۇشىن وتكەن باسەكەدە جەرلەسىمىز دۇنيەجۇزىلىك رەيتينگتە 38-ورىندا تۇرعان 19 جاستاعى فرانتسيالىق ارتيۋر ءفيستى ەكى سەتتە 6:4, 6:4 ەسەبىمەن قاپى قالدىرىپ, ءوز كارەراسىندا ءۇشىنشى مارتە ATP ساناتىنداعى ءتۋرنيردىڭ جەڭىمپازى اتاندى. ال وسى ماۋسىمداعى ەكىنشى چەمپيوندىعىنا قول جەتكىزدى. ول ەڭ العاش بىلتىر مونپەلەدە (فرانتسيا) وتكەن «ATP 250» ساناتىنداعى جارىستا ۇزدىك شىقسا, بيىل گەرمانيانىڭ گاللە قالاسىندا ۇيىمداستىرىلعان «ATP 500» تۋرنيرىندە توپ جارعان ەدى.
