وسى جارىستىڭ 3-راكەتكاسى بولىپ تىركەلگەن وتانداسىمىز ءتۋرنيردى ەكىنشى اينالىمنان باستاپ, تۇساۋكەسەر كەزدەسۋىن دۇنيەجۇزىلىك رەيتينگتە 72-ورىندا تۇرعان فرانتسيالىق گرەگۋار باررەرمەن وتكىزدى. قارسىلاستار وسىعان دەيىن ءبىر-بىرىمەن بەس مارتە ويناپ, سونىڭ ۇشەۋىندە بۋبليك جەڭىسكە جەتسە, ەكى باسەكەدە باررەردىڭ باعى جانعان. قوس ويىنشىنىڭ بەسىنشى باسەكەسىندە وتانداسىمىزدىڭ مەرەيى ۇستەم بولدى.
ءبىر ساعاتقا جالعاسقان ماتچتىڭ ءبىرىنشى پارتياسىندا وتانداسىمىز بەسىنشى گەيمدە ءبىر برەيك جاساپ, بۇل سەتتى 6:4 ەسەبىمەن ءوز پايداسىنا جازدى. ال ەكىنشى كەزەڭ باستالعان بەتتە بۋبليك قاتارىنان ەكى برەيكپەن كوزگە ءتۇسىپ, ماتچ سوڭىندا قارسىلاسىن بەت قاراتپاي جەڭدى – 6:2. بۇل كەزدەسۋدە بۋبليك 11 ەيس جاساپ, ءۇش برەيك-پوينتتىڭ بارلىعىن پايدالاندى. ەندى ا.بۋبليك جارتىلاي فينالعا شىعۋ ءۇشىن الەمدىك رەيتينگتە 226-ساتىدا ورنالاسقان تاعى ءبىر فرانتسيالىق تەننيسشى دجوۆانني پەرريكارمەن شەبەرلىك بايقاسادى. سونىمەن قاتار ا.بۋبليك جۇپتىق سىننىڭ دا شيرەك فينالىنا شىقتى.
