بەس جىلدان كەيىن مۇحيتتىڭ ارعى بەتىندە وتەتىن وليمپيادادا جانكۇيەرلەر كريكەت, بايراق فۋتبول, سكۆوش, لاكروسس جانە بەيسبول/سوفتبول سەكىلدى سپورت تۇرلەرىنىڭ قىزىقتى باسەكەلەرىن تاماشالايتىن بولدى. بەيسبول/سوفتبول, كريكەت جانە لاكروسس سپورتى وليمپيا ويىندارىنىڭ باعدارلاماسىنا قايتا قوسىلىپ وتىر.
ماسەلەن, بەيسبول/سوفتبولدىڭ تۇساۋى توكيو وليمپياداسىندا كەسىلسە, كريكەت ەڭ سوڭعى رەت 1900 جىلعى پاريجدەگى دودادا وينالعان ەدى. ال لاكروسس سپورتىنىڭ باسەكەلەرى 1904 جىلى سەنت-لۋيس جانە 1908 جىلعى لوندون وليمپيادالارىنىڭ باعدارلاماسىنان ورىن العان. ال بايراق فۋتبول مەن سكۆوش تۇڭعىش رەت لوس-اندجەلەستەگى ءتورت جىلدىقتىڭ باسەكەسىندە وينالماق.
