ىرىكتەۋ قورىتىندىسى بويىنشا قازاقستان ۇلتتىق قۇراماسىنىڭ ۆەلوسپورتشىلارى UCI رەيتينگىندە 19-ورىنعا يە بولدى. بۇل ناتيجەمەن جەرلەستەرىمىز پاريج وليمپياداسىنا تاعى ەكى جولدامانى ەل قورجىنىنا سالدى. اتاپ ايتقاندا, ەرلەر جانە ايەلدەر اراسىنداعى توپتىق جارىسىندا ءبىر, ەرلەر سايىسىندا ۋاقىتقا جارىسۋدا ءبىر جولداما ولجالادى. بۇعان دەيىن بيىلعى ازيا چەمپيوناتىندا توپ جارعان گلەب برۋسەنسكي دە وليمپيادا جولداماسىنا قول جەتكىزگەن ەدى.
وسىلايشا, ەلىمىزدىڭ ايەلدەر قۇراماسى 2008 جىلعى بەيجىڭ وليمپياداسىنان كەيىن العاش رەت پاريجدەگى دودادا توپتىق جارىستا باق سىناماق. ريناتا سۇلتانوۆا, ماحاببات ءۇمىتجانوۆا, فاينا پوتاپوۆا, مارينا كۋزمينا, انگەلا سولوۆەۆا بىرىگىپ, ءبىر ليتسەنزياعا قول جەتكىزدى. حالىقارالىق ۆەلوسيپەدشىلەر وداعىنىڭ ەرەجەسى بويىنشا, UCI رەيتينگىندە العاشقى بەستىكتە تۇرعان قۇرامالارعا – ءتورت, 6-10-ورىنعا دەيىنگىلەرگە – ءۇش, 11-20-ورىندارداعى قۇرامالارعا – ەكى, 21-45-كە دەيىن ءبىر جولداما بەرىلەدى.
