اتاپ ايتار بولساق, ەرلەر اراسىنداعى ەلىمىزدىڭ ءبىرىنشى, الەمنىڭ 36-راكەتكاسى الەكساندر بۋبليك بەلگيانىڭ انتۆەرپەن قالاسىندا جالاۋى جەلبىرەگەن «ATP 250» ساناتىنداعى جارىستى ءساتتى باستاپ, ءتۋرنيردىڭ شيرەك فينالىنا جولداما الدى. رەسەيلىك الەكساندر شەۆچەنكومەن جۇپ قۇراپ ويناپ جاتقان بۋبليك 1/8 فينالدا بەلگيالىقتار – ميكاەل گيرتتس پەن گوتە ونكليندى ەكى سەتتە 7:6 (7:4), 6:4 ەسەبىمەن جەڭدى. الەكساندر بۋبليك جەكەلەي جارىستاعى العاشقى كەزدەسۋىن بۇگىن فرانتسيالىق گرەگۋار باررەرمەن وتكىزەدى.
سونداي-اق قىتايدىڭ شەنچجەن قالاسىنداعى «چەللەندجەر» تۋرنيرىندە ونەر كورسەتىپ جاتقان بەيبىت جۇقاەۆ تا جارىستىڭ ەكىنشى اينالىمىنا شىقتى. 1/8 فينالدا الەمدىك رەيتينگتە 249-ورىنعا جايعاسقان وتانداسىمىز دۇنيەجۇزىلىك رەيتينگتە 726-ورىندا تۇرعان قىتايلىق سياوفەي ۆانمەن شەبەرلىك بايقاسىپ, ەكى سەتتە 6:3, 6:4 ەسەبىمەن جەڭىسكە جەتتى. ب.جۇقاەۆ باسەكەنىڭ شيرەك فينالىنا شىعۋ ءۇشىن بۇگىن الەمنىڭ 112, وسى جارىستىڭ 2-راكەتكاسى امەريكالىق الەكساندر كوۆاچەۆيچپەن كەزدەسەدى.
