بۇل – ەكى كلۋب اراسىنداعى كەيىنگى بەس جىلدىقتاعى ءۇشىنشى جولداستىق كەزدەسۋ بولماق. 2018 جىلدىڭ 9 قىركۇيەگىندە سانكت-پەتەربۋرگتە وتكەن «قايرات» پەن «زەنيت» كلۋبتارىنىڭ العاشقى ويىنىندا رەسەيلىك ۇجىم سەباستيان ءدريۋسسيدىڭ جالعىز گولى ارقىلى جەڭىسكە جەتسە, 2020 جىلى تۇركياداعى جولداستىق ماتچتا «زەنيت» 3:1 ەسەبىمەن باسىم تۇسكەن ەدى. بۇل ويىندا «قايرات» ساپىنان جالعىز گولدى ەركەبۇلان تۇڭعىشباەۆ سوقتى. ال «قايرات» پەن «زەنيت» كسرو-نىڭ جوعارى ليگاسىندا ءبىر-بىرىمەن 57 ويىن وتكىزگەن.
ەرتەڭگە جوسپارلانعان ءۇشىنشى جولداستىق كەزدەسۋدى جانكۇيەرلەر «QAZSPORT» جانە «ماتچ تۆ» تەلەارنالارىنان تىكەلەي ەفيردە تاماشالاي الادى. ماتچ ەلوردا ۋاقىتىمەن ساعات 17.00-دە باستالادى.
