ەلىمىزدە تۇڭعىش رەت وتكىزىلىپ جاتقان بايراقتى باسەكەدە فينليانديا, سلوۆاكيا, شۆەتسيا, ۇلىبريتانيا, جاپونيا, قازاقستان قۇرامالارىنىڭ پاراحوككەيشىلەرى ونەر كورسەتىپ جاتىر. چەمپيوناتتىڭ كەزەكتى تۋرىندا وتانداستارىمىز سۋومي ەلىنىڭ وكىلدەرىمەن شەبەرلىك بايقاسىپ, قارسىلاستارىن 6:1 ەسەبىمەن ويسىراتا جەڭدى. ەل قۇراماسى ساپىنان الماس احمەتوۆ پەن بەكسۇلتان جانىبەكتارحان دۋبل اۆتورى اتانسا, ماقسات ميانوۆ پەن قۋات كارىپباەۆ ءبىر-ءبىر مارتە مەرگەندىگىمەن كوزگە ءتۇستى. ال فينليانديا قۇراماسىنان جۇبانىش شايباسىن الەكسو اكي سوقتى. بۇل – جەرلەستەرىمىزدىڭ الەم چەمپيوناتىنداعى العاشقى جەڭىسى. اتالعان كەزدەسۋدە الماس احمەتوۆ قازاقستان قۇراماسىنىڭ ۇزدىك ويىنشىسى دەپ تانىلدى.
جەرلەستەرىمىز كەلەسى ويىنىن بۇگىن شۆەتسيا حوككەيشىلەرىمەن وتكىزەدى. چەمپيوناتتا العاشقى ەكى ورىندى يەلەنگەن كوماندالار 2024 جىلعى پاراحوككەيدەن الەم چەمپيوناتىنا جولداما الادى.
