وتانداسىمىز ءتۋرنيردىڭ شيرەك فينالىندا الەمنىڭ ءبىرىنشى راكەتكاسى بەلارۋستىق ارينا سوبولەنكونى ءبىر جارىم ساعاتقا جالعاسقان ماتچتا نەبارى ەكى سەتتە 7:5, 6:2 ەسەبىمەن تىزە بۇكتىرسە, جارتىلاي فينالدا الەمنىڭ 22-راكەتكاسى رەسەيلىك ليۋدميلا سامسونوۆاعا شاماسى جەتپەدى. ءبىرىنشى پارتيادا ەكى تەننيسشى دە ءبىر-ءبىر مارتەدەن برەيك جاساعانىمەن, تاي-برەيكتە رەسەيلىك تەننيسشىنىڭ باعى جاندى – 7:6. ەكىنشى پارتيانىڭ سەگىزىنشى گەيمىندە ەلەنا دوپتى ماتچقا قوسقاندا ءجيى قاتەلەسىپ, قارسىلاسىنىڭ برەيك جاساۋىنا مۇمكىندىك بەرىپ قويدى. ال توعىزىنشى گەيمدە سامسونوۆا 40:0 ەسەبىمەن ماتچقا نۇكتە قويدى – 6:3.
كەز كەلگەن سپورتشىنىڭ سپورتتىق كارەراسىندا ىڭعايسىز قارسىلاستارى بولادى. رىباكينا ءۇشىن ليۋدميلا سامسونوۆا – سونداي تەننيسشىنىڭ ءبىرى. سەبەبى وسىعان دەيىن ەكى تەننيسشى ءۇش مارتە كەزدەسىپ, سونىڭ ۇشەۋىندە دە سامسونوۆانىڭ مەرەيى ۇستەم بولعان. ازىرگە رىباكينا ليۋدميلانىڭ وسال تۇسىن تابا الار ەمەس.
