تۋرنير كەستەسىندە كوش باستاپ كەلە جاتقان شىمكەنتتىڭ «ورداباسى» كلۋبى ءوز الاڭىندا 18-تۋردىڭ كەيىنگە قالدىرىلعان ماتچىندا تاعى ءبىر وڭتۇستىكتىڭ كومانداسى «ماقتاارالدى» قابىلداپ, 1:0 ەسەبىمەن باسىم ءتۇستى. ويىنداعى جالعىز ءارى جەڭىس گولىن ماتچتىڭ 61-مينۋتىندا بوبۋر ابدۋحاليكوۆ سوقتى. ال شىمكەنتتىك كوماندانى تۋرنير كەستەسىندە وكشەلەپ كەلە جاتقان ەلوردانىڭ «استاناسى» دا 18-تۋرداعى كەيىنگە شەگەرىلگەن ماتچتا كوكشەتاۋدىڭ «وقجەتپەسىن» 5:2 ەسەبىمەن قاپى قالدىردى. «استانا» ساپىنان مارين توماسوۆ حەت-تريك جاساسا, ابات ايىمبەتوۆ پەن دەمبو داربو قانجىعاسىن ءبىر گولمەن مايلادى. ال «وقجەتپەس» كلۋبىنان الەكسەي تاتاەۆ پەن سامات سارسەنوۆ مەرگەندىگىمەن كوزگە ءتۇستى.
سونداي-اق 15-تۋر ويىنىن وتكىزگەن پەتروپاۆلدىڭ «قىزىلجارى» مەن قوستانايدىڭ «توبىلى» 1:1 ەسەبىمەن تەڭ تارقاستى. ويىننىڭ ءبىرىنشى تايمىندا يسلام چەسنوكوۆ «توبىلدى» العا شىعارسا, ەكىنشى تايمدا ەۆگەني شاحوۆ ءوز قاقپاسىنا گول سوعىپ الدى. ەل چەمپيوناتىنىڭ 24-تۋر ويىندارى 30 قىركۇيەك پەن 1 قازان كۇندەرى وتەدى.
