جارىستىڭ العاشقى كۇنىندە كورتقا شىققان وتانداسىمىز تيمۋر ماۋلەنوۆ ءوزىنىڭ تۇساۋكەسەر كەزدەسۋىندە الەمنىڭ 84-راكەتكاسى فرانتسيالىق الەكساندر ميۋلەردەن 4:6, 2:6 ەسەبىمەن جەڭىلىپ قالسا, الەمنىڭ 246-راكەتكاسى ميحايل كۋكۋشكين پورتۋگاليانىڭ ءبىرىنشى راكەتكاسى نۋنو بورگەشتەن (86) ايلاسىن اسىرا المادى – 7:5, 6:7 (6:8), 4:6. وسىلايشا, ءوز ەلىمىزدە ءوتىپ جاتقان بايراقتى باسەكەدە ەل نامىسىن ەلىمىزدىڭ ءبىرىنشى راكەتكاسى الەكساندر بۋبليك قانا قورعايتىن بولدى.
ءتۋرنيردىڭ نەگىزگى كەزەڭىندە ونەر كورسەتكەن الەمنىڭ 85-راكەتكاسى رەسەيلىك الەكساندر شەۆچەنكو نيدەرلاند وكىلى بوتيك ۆان دە زاندشۋلپتەن (68) 6:4, 6:3 ەسەبىمەن باسىم تۇسسە, سەربيالىق حاماد مەدجەدوۆيچ (120) وتانداسى لاسلو دەرەدەن (37) ايلاسىن اسىرىپ, جارىستىڭ ەكىنشى اينالىمىنا جولداما الدى – 6:3, 2:1. سونىمەن قاتار ىرىكتەۋ سايىستارىنىڭ فينالىندا باق سىناعان ەگور گەراسيموۆ (بەلارۋس), الىبەك كاچمازوۆ (رەسەي), يۋري روديونوۆ (اۋستريا), شو شيمابۋكۋرو (جاپونيا) نەگىزگى كەزەڭگە شىقتى.
