سليم-ريۆەر مەن گەنتينگ حايلەندس قالالارىن جالعاعان بەسىنشى كەزەڭدە ۆەلوشاباندوزدار 126.4 شاقىرىم جولدى ءجۇرىپ ءوتتى. اتالعان قاشىقتىقتى ءبىرىنشى بولىپ «EF Education-EasyPost» كومانداسىنىڭ وكىلى سايمون كارر باعىندىرسا, ەكىنشى جانە ءۇشىنشى ورىندارى ەكۆادورلىق دجەففەرسون الەكساندر («EF Education-EasyPost») مەن يسپانيالىق پابلو كاستريلو («Equipo Kern Pharma») ءوزارا ءبولىستى. ال «استانا» ساپىنان بۇل كەزەڭدە ۇزدىك ناتيجەگە ۆاديم پرونسكي يە بولدى. ول مارە سىزىعىن بەسىنشى بولىپ كەستى.
بەسىنشى كەزەڭنەن كەيىن جالپى ەسەپتە سايمون كارر كوش باستاپ كەلەدى. ونىڭ ۋاقىت كورسەتكىشى – 19 ساعات 25 مينۋت 10 سەكۋند. كارردان 1 مينۋت 15 سەكۋندقا قالىپ كەلە جاتقان ۆ.پرونسكي بەسىنشى ورىندا تۇر.
