ازيا ويىندارىندا جۋرناليستەر اقپارات تاراتاتىن مرس-دە ۆولونتەر بولىپ جۇمىس ىستەپ جۇرگەن جيالينگ سونگ ۆولونتەر بولعان ۇنايتىنىن, ديماش قۇدايبەرگەندى تانيتىنىن, اندەرىن تىڭدايتىنىن ايتتى.
– ماعان حالىققا قىزمەت كورسەتكەن ۇنايدى. ۆولونتەر بولۋعا ءوزىم ىنتا ءبىلدىردىم. ارينە, وڭاي ەمەس. بىراق قىزىق جۇمىس قوي. كوپتەگەن ەلدەن كەلگەن ادامدارمەن, جۋرناليستەرمەن سويلەسەسىڭ. ءبىز جۋرناليستەردىڭ جاعدايىن جاساۋعا, سۇراعان, بىلمەگەندەرىن ۇيرەتۋگە, كورسەتۋگە دايىنبىز. ازيا ويىندارىندا بارلىق كوماندا ەلدەرىنە قۇر قايتپاي, مەدال السا ەكەن دەيمىن.
قازاقستاندى مەن سىزدەردىڭ انشىلەرىڭىز ديماشي (ديماش قۇدايبەرگەن – رەد.) ارقىلى بىلەمىن. ول – وتە تانىمال ءانشى, سىمباتتى جىگىت. ەگەر دە وسى جاقتا كونتسەرتىن بەرسە, مىندەتتى تۇردە بارامىن. مەن سەكىلدى ءبىراز ۆولونتەرلەر ونى تانيدى, دەدى ۆولونتەر قىز.
ال ءدۇبىرلى دودانى تاماشالاۋعا بەيجىڭنەن ارنايى كەلگەن دەن يۋە ءبىزدىڭ ەل دزيۋدوشىلاردىڭ بەلدەسۋىن تاماشالاعانىن, ديماش قۇدايبەرگەننىڭ كونتسەرتىن كورگەنىن ايتادى.
– مەن قازاقستاندىق دزيۋدوشىلاردىڭ ونەرىن تاماشالادىم. قازاقستاندا دا ءىرى حالىقارالىق ءىس-شارالار ءوتىپ جاتقانىن بىلەمىن. مەن سىزدەردە 2017 جىلى ەكسپو كورمەسى بولعانىن بىلەمىن.
ءيا, ديماشتىڭ كونتسەرتىن كوردىم, وتە كەرەمەت! قازاقستاننان كەلگەن سپورتشىلار مەن جانكۇيەرلەرگە الىستان كەلىپ, ازياداعا قاتىسقانى ءۇشىن راحمەت. بۇل ءوز ەلىنە جانە سپورتقا دەگەن سۇيىسپەنشىلىكتىڭ دالەلى, دەدى ازيا ويىندارىن تاماشالاۋعا كەلگەن ليۋ پەنچجان.
