بىلتىر ۇلتتىق قولجازبا ورتالىعى قىزمەتكەرلەرى ءۇندىستاننىڭ نيۋ-دەلي ۇلتتىق مۇراعاتىنان قازاقتارعا قاتىستى قىتاي ارقىلى ءۇندىستان اسقان 3 مىڭنان استام دەرەكتى تاپقان بولاتىن.
دەلەگاتسيا قۇرامىنداعىلاردىڭ ايتۋىنشا, بابالارىمىز لوكپالا مەن كارابات قالالارىنىڭ ماڭىندا ءومىر سۇرگەن. مۇنان سوڭ قازىر قازاقتار ءومىر سۇرەتىن تۇركيا جەرىنە اۋعان. ءۇندىستاننان اكەلىنگەن سۋرەتتەر مەن حاتتار استاناداعى مۇراعاتتىق قۇجاتتار كورمەسىندە كوپشىلىككە ۇسىنىلدى.
– ۇندىستانعا 3 200 ادام بارعان. ولاردىڭ وزدەرىمەن بىرگە 2 000 قوي, 500 شاقتى جىلقىسى بولعان. وكىنىشكە قاراي, گيمالاي تاۋى اۋاسىنىڭ قىسىمى, كليماتتىق جاعدايى سالدارىنان مىڭداعان وتانداسىمىز وپات بولعان. ەگەر ۇندىستانعا بارعان قازاقتاردىڭ تاريحىن تەرەڭىرەك قازا تۇسسەك, مۇنان دا كوپ دەرەكتەرگە كەزىگەرىمىز ءسوزسىز, – دەدى ۇلتتىق قولجازبالار جانە سيرەك كىتاپتار ورتالىعىنىڭ ديرەكتورى جاندوس بولدىقوۆ.
