سۋرەتتى تۇسىرگەن ەرلان ومار, «EQ»
كەزدەسۋ بارىسىندا ءسوز العان «Egemen Qazaqstan» گازەتى باسقارما توراعاسىنىڭ ءبىرىنشى ورىنباسارى ۆلاديمير كۋرياتوۆ قوناقتارعا قوش كەلدىڭىزدەر ايتىپ, ايرىقشا سالەمىن جولدادى. سونىمەن بىرگە باسقارما توراعاسىنىڭ ورىنباسارى اسكەر پيريەۆ ەكى ەل اراسىنداعى تۋىستىق بايلانىسقا توقتالىپ, قانى دا, جانى دا ءبىر ەل ەكەنىمىزدى بايان ەتتى.
ال ءوز كەزەگىندە «Egemen Qazaqstan» گازەتى باس رەداكتورىنىڭ ورىنباسارى تالعات باتىرحان:
–بىرنەشە جىل بۇرىن بەلگىلى جازۋشى انار رزاەۆتان سۇحبات الىپ, گازەتىمىزگە جاريالاعان بولاتىنبىز. سوندا انار مىرزا «تۇركى دۇنيەسىندەگى «ماناس» پەن «كورۇعلىدان» ارتىق الەمدە جىر جوق» دەپ ايتقان بولاتىن. شىنىندا, ورتاق قازانىمىزدا قايناعان ىرگەلى تۋىندىلار جەتەرلىك,–دەپ اقجارما لەبىزىن ءبىلدىردى.
كەشتە بەلگىلى كۇيشى قايرات ايتباەۆ تاتتىمبەتتىڭ «سارىجايلاۋى» مەن سۇگىردىڭ «شالقىماسىن» شالقىتا ورىندادى. سونىمەن بىرگە الەۋمەت ءبولىمىنىڭ ءتىلشىسى باقىتبەك قادىر ەكبەر گوشالىنىڭ قازاق تىلىندە جارىق كورگەن «تۇراننىڭ ءبىر ءتۇپ جۋسانى» اتتى جىر جيناعىنىڭ نەگىزىندە بايانداما جاسادى. وندا اقىن شىعارماشىلىعىنداعى وزەكتى دۇنيەلەرگە توقتالىپ, ماعجان پوەزياسىمەن ۇندەستىگىن ەرەكشە اتاپ ءوتتى. جيىندا اقىن ولەڭدەرى وقىلىپ, جاس اقىن ابزال ماقاش «الاش مارشى» ءانىن ورىنداپ, كەلگەن قوناقتاردىڭ رۋحىن كوتەردى.
كەزدەسۋ سوڭىندا باۋىرلاس ەلدەردىڭ ىستىق ىقىلاسىنداي, قوناقتار گازەت رەداكتسياسىنا العىس ءبىلدىرىپ, سىي-تارالعىسىن ۇسىندى.
