بيىل 1 ساۋىردە مەنشىك قۇقىعىندا كولىك قۇرالدارى بار جەكە تۇلعالاردان 2022 جىلعا ارنالعان كولىك قۇرالدارىنا سالىق تولەۋ مەرزىمى اياقتالادى.
«2021 جىلمەن سالىستىرعاندا كولىك قۇرالدارىنىڭ سانى 108 124 اۆتوموبيلگە نەمەسە تيىسىنشە 18 پايىزعا, سالىق بازاسى 2,2 ميلليارد تەڭگەگە وسكەن. سالىق تولەۋ مەرزىمى وتكەننەن كەيىن كولىك سالىعىن تولەمەگەن ادامدارعا مىناداي شارالار قولدانىلاتىنىن ءبىلۋ ماڭىزدى: مەرزىمى وتكەن ءاربىر كۇن ءۇشىن قايتا قارجىلاندىرۋدىڭ 1,25 ەسەلەنگەن مولشەرىندە ءوسىمپۇل ەسەپتەۋ, سالىق ورگاندارى ماجبۇرلەپ ءوندىرىپ الۋ ماقساتىندا سوت ورىنداۋشىلارىنا «سالىق بۇيرىقتارىن» جىبەرەدى, ونىڭ نەگىزىندە م ۇلىككە جانە بانك شوتتارىنا تىيىم سالىنادى, شەتەلگە شىعۋدى شەكتەۋ. سونىمەن قاتار قارىز سوماسىنىڭ 25 پايىزىن قۇرايتىن سوت شىعىندارى قاراستىرىلعان», دەلىنگەن حابارلامادا.
مكد وكىلدەرى وسى شارالاردى بولدىرماۋ ءۇشىن تولەم مەرزىمى اياقتالعانعا دەيىن جەكە تۇلعالاردى كولىك قۇرالدارىنا سالىناتىن سالىقتى تولەۋگە شاقىردى.
سالىق سوماسىن ە-Salyq Azamat ءموبيلدى قوسىمشاسىنداعى كالكۋلياتوردىڭ كومەگىمەن نەمەسە مەملەكەتتىك كىرىستەر كوميتەتىنىڭ ينتەرنەت-رەسۋرسىندا دەربەس ەسەپتەۋگە بولادى www.kgd.kz, تولىعىراق 1414/3 ءنومىرى بويىنشا.
