مەملەكەت باسشىسى VIII سايلانعان قازاقستان رەسپۋبليكاسى پارلامەنتىنىڭ ءبىرىنشى سەسسياسىندا ەل دامۋىنا ۇلەس قوساتىن كاسىپكەرلەردىڭ «جاڭا تولقىنىن» قالىپتاستىرۋ قاجەت ەكەنىن ايتتى. ونىڭ بەل ورتاسىندا تالانتى مەن تالابىن ۇشتاستىرۋ ارقىلى تابىسقا جەتكەن بيزنەسمەندەر بولۋعا ءتيىس.
بۇعان دەيىن دە كاسىپكەرلىكتى قولداۋدىڭ ءتۇرلى ءىس-شاراسى جۇزەگە اسىرىلىپ كەلدى. ەندى سالانىڭ باسەكەگە قابىلەتتىلىگىن ارتتىرۋعا باسا ءمان بەرىلمەك. كەشەگى سوزىندە مەملەكەت باسشىسى وسىنداي وزگەرىستەر ارقىلى ەكونوميكالىق ساياساتقا وزگەرىس ەنگىزىپ، ناقتى ماسەلەلەرمەن اينالىساتىن كەز جەتكەندىگىن اشىپ ايتتى.
كاسىپكەرلەرگە ورتاق مەكەنىمىز قازاقستاننىڭ بولاشاعىن بىرگە قۇرۋعا ۇندەگەن مەملەكەت باسشىسى بۇل جولدا ىسكەرلەرگە مەملەكەت تاراپىنان قولداۋ كورسەتىلەتىنىنە كەپىل بولىپ وتىر. ەندى بيۋدجەتتەن قارجىلاندىرىلاتىن اۋقىمدى جوبالاردى ەڭ الدىمەن وتاندىق كاسىپكەرلەر جۇزەگە اسىرۋعا ءتيىس. مۇنداي قولداۋ كاسىپكەرلەردى قاناتتاندىرا تۇسەدى.
بيىلدىڭ وزىندە قىزىلوردا وبلىسىندا 250-دەن استام جاس پەن 600-دەن استام اۋىل ازاماتى 2،5 پايىزبەن نەسيە الادى دەپ جوسپارلانىپ وتىر. ول ءۇشىن وڭىرگە رەسپۋبليكالىق بيۋدجەتتەن 4،3 ملرد تەڭگە ءبولىندى. بۇل اۋىل تىرشىلىگىن جانداندىرىپ، سالاعا تىڭ سەرپىن بەرەدى.
قاي سالاداعى باستاما دا بىردەن جۇزەگە اسىپ كەتە قويماسى بەلگىلى. وسى ورايدا كاسىپكەرلەر دە مەملەكەت باسشىسىنىڭ شاعىن جانە ورتا بيزنەستى ەكونوميكا مەن ەڭبەك نارىعىنىڭ قوزعاۋشى كۇشىنە اينالدىرۋ باستاماسىنا ۇلەس قوسادى دەپ سەنەمىز.
پىرمۇحاممەد سىزدىقوۆ،
قىزىلوردا وبلىسى
كاسىپكەرلەر پالاتاسىنىڭ
ديرەكتورى
شەتەلدەگى جۇمىس: ارتىقشىلىعى مەن كەمشىلىگى
جۇمىس • بۇگىن، 08:40
اگرويندۋستريادا الەۋەتى زور مەگاپوليس
ايماقتار • بۇگىن، 08:38
قىتايمەن ساۋداسى قىزعان جەتىسۋ
ساۋدا • بۇگىن، 08:35
ۇلتتىق سپورت • بۇگىن، 08:33
سپورت • بۇگىن، 08:30
مادەنيەت • كەشە
ۇقساس جاڭالىقتار
ونلاين 
