مەملەكەت باسشىسى بۇعان دەيىنگى جولداۋلارى مەن اۋقىمدى جيىنداردا ايتىپ كەلگەندەي, ادامي كاپيتالدى دامىتۋعا ەرەكشە ءمان بەرەتىنىن بايقاتتى. ادام كاپيتالىن دامىتۋ – ەكونوميكالىق ءوسۋدىڭ فاكتورى. قوعامداعى الەۋمەتتىك قامتۋ سالالارىمەن بىرگە مادەنيەت, ادەبيەت, ءبىلىم مەن عىلىم قاتار دامۋى كەرەك. ۇستازدارىمىزدىڭ مارتەبەسىن ءارى قاراي ارتتىرۋ كەرەك دەپ ايتتى. بۇل – وتە ماڭىزدى ماسەلە. بۇعان دەيىن مۇعالىمدەر مارتەبەسى تۋرالى زاڭنىڭ قابىلدانۋىنا وراي پەداگوگتەردىڭ قۇقىقتارى مەن جاۋاپكەرشىلىكتەرىن ايقىنداپ الدىق. حالىقتىڭ ۇستازدارعا دەگەن قۇرمەتى ءوسىپ, مۇعالىمدەردىڭ ەل اراسىنداعى بەدەل, ابىرويى ۇلعايا تۇسكەنىنە كۋا بولدىق. ءدال وسىنداي زاڭدى ەندى مەديتسينا سالاسىنىڭ قىزمەتكەرلەرىنە قاتىستى ازىرلەۋ كەرەكتىگىن دە تاپسىردى. بۇل ۇسىنىستار ناقتىلاي ايتقاندا وتاندىق الەۋمەتتىك سالانى دامىتۋعا, ادام رەسۋرستارىن جەتىلدىرۋگە باعىتتالىپ وتىرعانى انىق. ادام كاپيتالىنىڭ ساپاسى ارتادى. ەكىنشى تۇرعىدان, قوعام اراسىندا تالقىعا ءتۇسىپ كەلە جاتقان تاقىرىپتاردىڭ شەشىمى تابىلادى. ەمدەلۋشىلەر مەن دارىگەرلەر اراسىنداعى بايلانىس كوممۋنيكاتسيالارى, ادەپتەرى تۇزىلەدى دەگەن ءسوز.
تاعى ءبىر ايتا كەتەرلىگى, سوناۋ 1999 جىلى الىنىپ تاستالعان «قازاقستاننىڭ حالىق ءارتىسى» اتاعىن مادەنيەت سالاسىنا قايتارۋ وسى سالا وكىلدەرىنىڭ شىعارماشىلىعىنا شابىت سىيلاپ, تالپىنىستارىنا تۇرتكى بولماق. مۇنداي جوعارى اتاقتى تەك ۇزدىكتەر عانا يەلەنىپ, ولاردىڭ ونەرى جاس ۇرپاقتى شابىتتاندىرادى.
جاڭا پارلامەنتتىڭ قۇرامىنداعى 28 دەپۋتات بۇعان دەيىنگى شاقىرىلىمداردا بولعان ازاماتتار. ولار وزىنە سەنىپ تاپسىرىلعان مىندەتتى جالعاستىرىپ, تاجىريبەسى از ارىپتەستەرىنە قولداۋ جاساۋى كەرەك. مەملەكەت باسشىسى زاڭ شىعارۋشى ورگاننىڭ الدىنا ايتارلىقتاي مىندەتتەر مەن باعىتتار بەلگىلەپ بەردى. ەندى سولاردى رەتىمەن ورىنداپ, ادىلەتتى قازاقستان قۇرۋ جولىنا جۇمىلسا ابزال. ەندى ءبىر جارتى جىلدان كەيىن ءماجىلىستىڭ جۇمىسى جايىندا بەلگىلى ءبىر قورىتىندىلار جاساۋعا بولادى دەگەن ويدامىن.
داۋرەن عازيز,
س.تورايعىروۆ ۋنيۆەرسيتەتى ساياساتتانۋ عىلىمدارىنىڭ ماگيسترانتى
