جايىلىمدىق جەرلەرمەن قامتاماسىز ەتپەيىنشە مال شارۋاشىلىعىن تولىققاندى دامىتۋ مۇمكىن ەمەس. بۇل – ەلىمىزدىڭ ازىق-ت ۇلىك قاۋىپسىزدىگىنە تىكەلەي قاتىسى بار اسا ماڭىزدى ماسەلە. وسىعان بايلانىستى, زاڭسىز بەرىلگەن, بوس جاتقان جەرلەردى قايتارىپ الۋ جونىندەگى ارنايى كوميسسيا بىلتىرعى ءساۋىر ايىنان بەرى جۇمىس ىستەپ كەلەدى. ناتيجەسىندە وتكەن جىلى مەملەكەت پايداسىنا 5,2 ملن گەكتار جەر قايتارىپ الىندى. ونىڭ ىشىندە 4,8 ملن گەكتارى – جايىلىمدىق جەرلەر. بۇعان مەملەكەت باسشىسىنىڭ اگروونەركاسىپ سالاسىنداعى ميكرو جانە شاعىن بيزنەس سۋبەكتىلەرىنە قاتىستى تەكسەرۋ جۇرگىزۋگە مۇمكىندىك بەرەتىن جارلىعى ەرەكشە سەرپىن بەردى.
بيىل تاعى 5 ملن گەكتار جەردى قايتارىپ الۋ جوسپارلانىپ وتىر.
«بۇل ورايدا ەلدى مەكەندەردىڭ ماڭىندا ورنالاسقان اۋىل شارۋاشىلىعى قۇرىلىمدارىنىڭ جەرلەرىن قايتارىپ الۋ ماڭىزدى. ولاردى قوعامدىق پايدالانۋعا نەمەسە جەكە قوسالقى شارۋاشىلىق كووپەراتيۆتەرىنە بەرۋ قاجەت. سونىمەن قاتار ەلدى مەكەندەردىڭ ماڭىندا جايىلىمدىق جەرلەردىڭ از بولۋى جەكە قولداعى مال باسىنىڭ وسۋىنە شەكتەۋ قويىپ وتىر. سوندىقتان جايىلىمداردى ءتيىمدى پايدالانۋ ءۇشىن جاعداي جاساۋ قاجەت», دەدى ءاليحان سمايىلوۆ.
