پرەمەر-مينيستر ءاليحان سمايىلوۆقا جولداعان ساۋالىندا دەپۋتات 1917 جىلى جەلتوقساندا ءاليحان بوكەيحانوۆتىڭ الاش رەسپۋبليكاسى ۇكىمەتىنىڭ توراعاسى بولىپ سايلانعانىن, بۇعان دالەل رەتىندە «سارىارقا» گازەتىندەگى جاريالانىمدى كورسەتتى.
«بيىل الاش رەسپۋبليكاسىنىڭ قۇرىلعانىنا 105 جىل تولىپ وتىر. ەستەرىڭىزگە سالا كەتەيىن, 29 ماۋسىمدا «اق جول» فراكتسياسى بۇل داتانى مەملەكەتتىك دەڭگەيدە اتاپ ءوتۋ تۋرالى دەپۋتاتتىق ساۋال جولداعان بولاتىن. بىراق, وكىنىشكە قاراي, بۇل تاريحي داتا تاعى دا نازاردان تىس قالدى», دەدى دەپۋتات بەرىك دۇيسەنبينوۆ.
تاريحي ادىلەتتىلىكتى ورناتۋ ءۇشىن دەپۋتات جىل سايىن 12 جەلتوقساندى مەملەكەتتىك دەڭگەيدە الاش كۇنى رەتىندە اتاپ ءوتۋدى ۇسىنىپ وتىر.
ەسكە سالا كەتەيىك, 2022 جىلى قازاقستاننىڭ تۇڭعىش پرەزيدەنتى كۇنىنە وراي 1 جەلتوقسانداعى مەرەكەلىك كۇن جويىلدى. بۇل داتانى مەملەكەتتىك رامىزدەر جانە العىس ايتۋ كۇنى سىندى اتاپ ءوتۋ ۇسىنىلدى.
سونىمەن قاتار رەسپۋبليكا كۇنى 25 قازاندا تويلاناتىن مەملەكەتتىك مەرەكەلەر قاتارىنا قايتارىلدى.
