گلۋبوكوە اۋدانى وپىتنوە پولە اۋىلىنىڭ بۇرىلىسىندا Nissan Note جانە Toyota Land Cruiser اۆتوكولىكتەرى سوقتىعىسىپ قالعان.
«جول اپاتى سالدارىنان Toyota Land Cruiser اۆتوكولىگىنىڭ جۇرگىزۋشىسى مەن جولاۋشىسى اۋىر دەنە جاراقاتتارىنان وقيعا ورنىندا كوز جۇمدى. ال ءارتۇرلى دەنە جاراقاتتارى بار ەكىنشى جولاۋشى مەديتسينالىق مەكەمەگە جاتقىزىلدى», دەپ جازىلعان ءىىم ءباسپاسوز قىزمەتى تاراتقان اقپاراتتا.
اتالعان فاكتى بويىنشا قر قك-ءنىڭ 345 -بابى 4-بولىگىمەن (كولىك قۇرالدارىن باسقاراتىن ادامداردىڭ جول ءجۇرۋ ەرەجەلەرىن بۇزۋى, ابايسىزدا ەكى جانە ودان دا كوپ ادامنىڭ ولىمىنە اكەپ سوقتىرۋى) سوتقا دەيىنگى تەرگەۋ باستالدى.
بىرقاتار سوت ساراپتاماسى تاعايىندالدى. ولاردىڭ قورىتىندىلارى بويىنشا پروتسەستىك شەشىم قابىلدانادى.
