«CTS» جاڭا ءموبيلدى قوسىمشاسى قوعامدىق كولىك جولاۋشىلارىنا, پاركينگتەردى جالعا الۋشىلارعا جانە ۆەلوشەرينگ پايدالانۋشىلارىنا ارنالعان. قوسىمشادا velobike.kz سايتى جانە «Transcard», «CTS Parking» سەرۆيستەرى بىرىكتىرىلدى.
«CTS» جاڭا ءموبيلدى قوسىمشاسىنىڭ كومەگىمەن پايدالانۋشىلار «Astrabus», «2GIS» جانە «ياندەكس. كارتالار» بالاماسى رەتىندە باعدارلاردى ناقتى ۋاقىت رەجيمىندە باقىلاي الادى. سونداي-اق قاراجاتتى بانك كارتاسىنان ۇستاي وتىرىپ, QR-كود بويىنشا جولاقىسىن ىڭعايلى تولەۋ مۇمكىندىگى بار. تەك كارتانى قوسىمشاعا بايلانىستىرساڭىز جەتكىلىكتى.
ء«بىزدىڭ كومپانيانىڭ باستى مىندەتى – ەلوردا تۇرعىندارى مەن قوناقتارى ءۇشىن كورسەتىلەتىن قىزمەتتەرىمىزدى بارىنشا ىڭعايلى ەتۋ. وسى ۋاقىتقا دەيىن بىزدە كورسەتىلەتىن قىزمەتتەردىڭ ءۇش بولەك سەرۆيسى بولاتىن: «Transcard» قوسىمشاسى, «CTS Parking» سەرۆيسى جانە velobike.kz سايتى. بۇل ىڭعايلى ەمەس ەدى. ال ەندى ىڭعايلى بولۋ ءۇشىن ءبىزدىڭ قىزمەتتەرىمىزدىڭ بىرىڭعاي تەرەزەسى – «CTS» ءموبيلدى قوسىمشاسىن جاسادىق. مىسالى, «Transcard» سەرۆيستەرىن بىرىكتىرە وتىرىپ, جاڭا قوسىمشانىڭ پايدالانۋشىلارىنا كولىك كارتاسىن تىركەۋ جانە تولىقتىرۋ, تەڭگەرىمدى كوشىرۋ, جۇرگەن جولدار تاريحىن قاراۋ قىزمەتتەرى قولجەتىمدى. سونداي-اق كاسسالار مەن كولىك كارتاسىن تولتىرۋ پۋنكتتەرىنىڭ ورنالاسقان جەرى مەن مەكەنجايلارىن كورۋگە دە بولادى. بۇدان بولەك, جاڭا قوسىمشادا پايدالانۋشىلار تىركەلىپ, «Astana bike» ۆەلوپروكات سەرۆيسىنىڭ جەكە كابينەتىنە كىرە الادى. سونىمەن قاتار وندا ابونەمەنت ساتىپ الۋعا, تەڭگەرىمدى تولىقتىرۋعا, ۆەلوستانتسيالاردىڭ ورنالاسقان جەرىن, ۆەلوسيپەدتەر مەن بوس ق ۇلىپتاردىڭ قولجەتىمدى سانىن كورۋگە بولادى», دەدى «City Transportation Systems» جشس باسقارما توراعاسى عاني تاجيەۆ.
سونىمەن قاتار «CTS» جاڭا ءموبيلدى قوسىمشاسىندا سity Transportation Systems كومپانياسىنىڭ پاركينگتەرىن جالعا الۋشىلار ءۇشىن تۇراق ورىندارىنىڭ ورنالاسقان جەرى مەن قولجەتىمدى تۇراقتار سانىن كورە وتىرىپ, ونلاين-جالداۋ قىزمەتتەرى دە بار.
