جاسىراتىنى جوق, جەڭىلدەتىلگەن نەسيەنىڭ تاپشىلىعى وتاندىق بيزنەس ءۇشىن وزەكتى ماسەلەگە اينالعالى قاشان؟! پرەزيدەنت ايتقانداي, ەلىمىزدە شاعىن جانە ورتا بيزنەستى قارجىلاندىرۋ ءۇشىن 42 ملرد دوللارعا جۋىق قاراجات جەتىسپەيدى. الايدا بانكتەردە ترلن تەڭگەگە جۋىقتايتىن قاراجات ۇلتتىق ەكونوميكاعا باعىتتالماي, بوسقا جاتىر. بۇل – ويلاندىراتىن ماسەلە. سوندىقتان قاسىم-جومارت توقاەۆ ۇلتتىق بانك, قارجى نارىعىن رەتتەۋ جانە دامىتۋ اگەنتتىگى جانە ۇكىمەتكە بىرلەسىپ, اتالعان سەكتوردى تۇراقتى ءارى قولجەتىمدى نەسيەمەن قامتاماسىز ەتۋگە باعىتتالعان ناقتى شەشىمدەر پاكەتىن ازىرلەۋدى تاپسىردى.
اگرارلىق سالادا كوپتەن بەرى شەشىمىن تاپپاي كەلە جاتقان قوردالانعان پروبلەما جەتەرلىك. ماسەلەن, كەز كەلگەن ءونىمدى ءوندىرۋ ءۇشىن الدىمەن جەر قاجەت ەكەنى بەلگىلى. جەرى جوق ادام بيزنەسپەن اينالىسا المايدى. مەملەكەت باسشىسى كاسىپكەرلەرگە جەر تەلىمدەرىن اشىق ءارى جەدەل ءبولۋدىڭ ءتيىمدى تاسىلدەرىن دايىنداۋ كەرەكتىگىن ايتتى. بۇل ورايدا ءار ءوڭىر مەن ەلدى مەكەندە بوس جاتقان نەمەسە ماقساتىنا قاراي يگەرىلمەگەن جەردىڭ بار-جوعىن انىقتاۋ قاجەت. اتالعان ءىس-شارالار كاسىپكەرلەردىڭ عانا ەمەس, جالپى ەكونوميكانىڭ باسەكەگە قابىلەتىن ارتتىرا تۇسەتىنىمەن كەلىسەمىز. بىراق مىنانى ەسكەرۋىمىز قاجەت. قازىردىڭ وزىندە مەملەكەتكە قايتارىلعان جەردىڭ كولەمى از ەمەس. ماسەلە – جەردىڭ قۇنى تىم تومەن باعالانىپ وتىر. شارۋالاردىڭ كاسىبىن دوڭگەلەتە الماۋىنىڭ ءبىر سىرى وسىدا جاتىر. كرەديت الىپ, شارۋا قوجالىعىن ۇلعايتقىسى كەلەدى, بىراق بانك كەپىلدىككە قويىلۋعا ءتيىس جەر ۋچاسكەسىن تىم ارزانعا باعالايدى. مىسالى, ەگىستىك القاپتارىن سۋارۋعا ارنالعان تەحنيكانىڭ قۇنى شامامەن 10 ملن تەڭگە بولسا, 10 مىڭ گەكتار جەردىڭ باعاسى ءارى كەتسە 5 ملن تەڭگەدەن ارەڭ اسادى. وسىدان كەيىن فەرمەر قاجەتتى تەحنيكانى قايتىپ الادى؟ بانكتەر ارزان جەردى كەپىلدىككە المايدى. جىلجىمايتىن م ۇلىكتى كەپىلدىككە قويايىن دەسە, اۋىلدى جەردەگى ۇيلەردىڭ قۇنىن قارجى ينستيتۋتتارى تاعى دا تومەن باعالايدى. سول سەبەپتى ەلىمىزدىڭ ازىق-ت ۇلىك قاۋىپسىزدىگىن قۇنتتاعىمىز كەلسە, وتاندىق تاۋار وندىرۋشىلەرىنە لايىقتى قولداۋ كورسەتىلۋگە ءتيىس. سوندا عانا قازاقستاننىڭ باسەكەگە قابىلەتتىلىگى ارتا تۇسەدى.
قۋانىش سۇلەيمەنوۆ,
اباي وبلىسىنىڭ ءماسليحات حاتشىسى
