10 قىركۇيەكتە رۋدنىي قالاسى پوليتسيا باسقارماسىنىڭ جەرگىلىكتى پوليتسيا قىزمەتكەرلەرى 32 جاستاعى ازاماتتىڭ باسقارۋىمەن ۆاز-2110 اۆتوكولىگىن توقتاتتى. تەكسەرۋ بارىسىندا كولىك قۇرالىنىڭ جۇكسالعىشىنان قوڭىر ءتۇستى داقتارىمەن جانۋاردىڭ تۇياقتارى بار قاپ تابىلدى.
«تەكسەرۋ بارىسىندا فەدوروۆ اۋدانى ۆلادىكين اۋىلىنىڭ ماڭىندا ءوزىنىڭ تانىسىمەن ەر ادام ەلىكتى تىركەلمەگەن قارۋدان اتىپ ولتىرگەنى انىقتالدى. ولار جانۋاردى بولشەكتەپ ەكىگە ءبولىپ العان. ەر ادامداردىڭ ەلىكتى اتۋعا رۇقسات قۇجاتتارى بولعان جوق», دەپ حابارلادى قوستاناي وبلىسى پد جپقب تابيعاتتى قورعاۋ پوليتسياسى ءبولىمىنىڭ قىزمەتكەرى عازرەتعالي الىمعازين.
قازىرگى ۋاقىتتا زاڭسىز اڭ اۋلاۋ فاكتىسى بويىنشا قر قك 337-بابى 1-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە.
