وبلىستىق تاريحي-ولكەتانۋ مۋزەيىنىڭ قورىندا ساقتالعان بۇل كەسەقاپ 1970 جىلى تابىلعان. كۇمىستەن جانە تەرىدەن جاسالعان بۇيىمنىڭ سان ءتۇرى بار. ال مۋزەيگە قويىلعانى – ء«ۇش ەمشەكتى كەسەقاپ» دەپ اتالادى. دەرەكتەرگە سەنسەك, ءدال وسى قولونەر تۋىندىسى ون توعىزىنشى عاسىردا جاسالعان دەسەدى ماماندار.
«كوشپەلىلەر داۋىرىندە شىنى كەسەلەر قيراپ قالماۋى ءۇشىن حالىق شەبەرلەرى كەسەقاپتار جاساپ, ىدىستاردى سولاردىڭ ىشىندە ساقتاپ, تاسىمالدايتىن بولعان. كەسەقاپتاردىڭ «سىڭار ەمشەك», «قوس ەمشەك», ء«ۇش ەمشەك» دەگەن تۇرلەرى بولادى. ۋاقىتىندا قولونەر شەبەرلەرى ونى ءار ءتۇرلى ماتەريالدان جاساعان. نەگىزىنەن تەرى جانە كۇمىستى ءجيى قولدانعان دەگەن دەرەكتەر بار. بۇل كەسەقاپ ءبىزدىڭ مۋزەيگە وسىدان ەلۋ جىلدان استام ۋاقىت بۇرىن وتكىزىلىپتى», دەيدى وبلىستىق تاريحي-ولكەتانۋ مۋزەيى عىلىمي-زەرتتەۋ جۇمىستارىن قامتاماسىز ەتۋ ءبولىمىنىڭ مەڭگەرۋشىسى الديار سۇرانشى جادىگەر تاريحى تۋرالى سىر شەرتىپ.
تاراز
