قازاقستان • 05 تامىز، 2022

Wordle-دى قازاقشا سويلەتكەن جاستار

184 رەت كورسەتىلدى

جىل باسىنان باستاپ الەۋمەتتىك جەلىلەردە سۇر، سارى جانە جاسىل شارشىلاردان دياگراممالار بەينەلەنگەن سىلتەمەلەر جيىلەپ كەتتى. ءسىز دە كورىپ، ونىڭ نە ەكەنىنە قىزىعۋشىلىق تانىتساڭىز، بۇل Wordle دەپ اتالاتىن ءسوز ويىنى.

بۇنىڭ اعىلشىنشا نۇسقاسى الەمدى جاۋلاعان سوڭ، باسقا تىل­دەردە دە نۇسقالارى شىعا باس­تا­دى. قازاق تىلىندەگى نۇسقاسى جا­ريا­لانعالى كوپ ۋاقىت وتە قوي­عان جوق. دەگەنمەن قازىردىڭ وزىن­دە قازاقشا ء«سوزدىل» دەپ اتا­لاتىن ويىن جاستار ارا­سىن­دا تانىمالدىققا يە. ءىلياس جول­داسباي مەن دانيار مۇحا­نوۆ ەسىمدى جاس باعدارلاما­شى­لار جو­بانىڭ قازاقشا نۇسقاسىن جاساپ شىققان ەكەن.

«جالپى Wordle-دى قازاق­شا­لايىق دەپ وي تاستاعان دانيار مۇحانوۆ دەگەن ارىپتەسىم. ول دا «بولاشاق» تۇلەگى، قازىر umag.kz كوم­پانياسىندا جەتەكشى اندرويد پروگ­رامميسى. Wordle.kz دومەنىن العان دا سول جىگىت»، دەيدى ءىلياس جول­داسباي.

جاستار Wordle-دىڭ قازاقشا نۇسقاسىن قۇراستىرىپ قانا قويعان جوق، اتاۋىن دا ءسوزدىل دەپ قازاقشالادى. بۇل تۋرالى ءىلياس جولداسباي بىلاي دەيدى: «Wordle ءسوزىنىڭ ءتۇبىرى word بولعاندىقتان، ءبىزدىڭ نۇسقانىڭ دا ءتۇبىرى ءسوز بولۋى ورىندى كورىندى».

كۇندەلىكتى جاسىرىلعان سوز­دەردى جاستار وزدەرى وتىرىپ ەك­­شە­­لەگەن. ءاربىر تاڭدالعان ءسوز­دىڭ ەتىستىك بولماۋىن ءارى سوزدەگى ارى­پ­­­تەردىڭ سوزدە ءبىر رەت قانا كەز­­دە­­سۋىن قاداعالاپ، مۇقيات زەردەلەگەن.

«ۋاقىت جوعالتپاس ءۇشىن open source جوبالارعا جۇگىندىك. وpen source – كودى اشىق، قالاعان ادام وقىپ، ءوزىنىڭ كەرەگىنە قولدانا بەرۋگە بولاتىن ءتاسىل. قازاقشا بەس ارىپتىك سوزدىك قوردى الۋ جانە ويىن لوگيكاسىن جۇرگىزۋ ءۇشىن Github جوباcىن قولداندىق»، دەيدى جاستار. وسىنداي ىرگەسى دايىن جوبا تۇرعاندا قازاقشا ء«سوزدىلدى» جاساۋ ەكى-اق كۇندى العانىن تىلگە تيەك ەتتى.

جاستار ويىننىڭ قازاقشا نۇس­قاسىن جاساۋداعى ماقساتىن قازاق ءتىلىن ناسيحاتتاۋ، كونەر­گەن قازاقشا سوزدەردى ەسكە سالۋ، سول سوزدەردىڭ قولدانۋ اياسىن كەڭەيتۋ دەپ تۇسىندىرەدى. مىسالى، نويىس، بيپاز، ءراسۋا دەگەن سياقتى كونەرگەن سوزدەر دە قامتىلىپ، ءسوزدىڭ ماعىناسىن بىلمەگەندەر بولسا، سول سوزبەن تانىسۋىنا مۇمكىندىك بار. جال­پى، ويىندا ء«سوز ماعىناسىن كورۋ» دەگەن باتىرما بار، سول ارقى­لى سوزدىكقور سايتىنا باعىتتاپ، جا­سىرىلعان ءسوزدىڭ ماعىناسىمەن تەرەڭ تانىسۋعا بولادى.

«بۇل جەردە ءبىز ءۇشىن ما­ڭىزدى نارسە – قازاق ءتىلدى ويىن­شىلاردىڭ شەتتە قالماي ءوز تىلىندە ويناي الۋى. ايتپەسە، بىزدە كوپ دۇنيە تەك اعىلشىنشا نەمەسە ورىسشا عانا شىعىپ قالىپ قويادى. ءCوزدىل قازاقشاعا دا سۇرانىس بار ەكەنىن كورسەتتى دەپ ويلايمىن»، دەيدى دانيار مۇحانوۆ.

Wordle.kz بيىل 21 قاڭتاردان باستاپ كوپ­شى­لىككە ۇسىنىلدى. سودان بەرى جو­باعا شامامەن 20 رەت وزگەرىس ەنگى­زىل­گەن. ال­عاشقى كۇندەرى كوپشىلىكتىڭ قىزىعۋ­شى­لى­عىنا بولەنىپ، ءبىر اپتا ىشىندە ورتا ەسەپپەن 7 مىڭعا جۋىق ادام وينايتىن. جالپى، Wordle.kz جاريالاعاننان بەرى 400 مىڭداي ادام ويناعان.

«اتى شۋلى كەزدە كۇنىنە 2 مىڭ ادام­داي ويناپ وتىراتىن. قازىرگى تاڭ­دا كۇنىنە 200-دەي ادام ويىنعا قاتى­سادى. ادام سانى ءوستى دەپ ايتۋ قيىن، ترەند بولىپ تۇرعان ءساتى وتكەن سوڭ، ادامدار باسقا نارسەگە كوڭىلدەرى بۇرىلىپ كەتتى. تۇسىنىكتى جايت. قازىر ايىنا ورتاشا ەسەپپەن
1 500 ادام قازاقشا ءسوزدىل ويناي­دى»، دەيدى ءى.جولداسباي.

سونداي اق جاستار بۇگىندە Wordle وينايتىندار ازايعانىن تەك قازاق­ستاندىق ەمەس الەمدىك تەندەنتسيا ەكەنىن العا تارتتى. بيىلعى اقپان ايىندا Wordle-دى The New York Times گازەتى 1 ميلليون دوللارعا ساتىپ ال­عانى تۋرالى اقپارات تارادى. باسىلىم ويىندى ناقتى قان­داي سوماعا ساتىپ العانىن ما­لىمدەگەن جوق. دەگەنمەن ونىڭ جەتى تسيفردان تۇراتىن قاراجات ەكەنىن جاريالادى. ويىندى قۇ­راستىرۋشىسى، باعدارلاماشى دجوش ۋوردلدان ساتىپ العان. مۇنداي ۇسىنىس Wordle.kz اۆتورلارىنا ءتۇستى مە دەگەن سۇ­را­عىمىزعا جاستار ءازىل-شىنى ارالاس بىلاي دەپ جاۋاپ بەردى.

«نيۋ يورك تايمس ميلليون­داعان دوللارلارعا Wordle-دى ساتىپ الىپتى دەگەندى ەستىگەن­دە ءبىز ءوز ارامىزدا ء«سوزدىلدى» قاي باق ساتىپ الادى ەكەن ­دەپ ازىلدەگەنبىز. اڭگىمەمىز سول ­ازىل­­دەن ءارى اسقان جوق. شىن­دى­عىن ايت­قاندا، مونەتيزاتسياسى جوق جو­باعا ەشقانداي ينۆەستور اقشا شاشقىسى كەلمەيدى»، دەيدى ويىن اۆتورلارى.

ر

Wordle – وسى جىلدىڭ باسىندا الەمگە كەڭ تاراعان شاعىن ويىن. ونى دجوش ۋوردل ەسىمدى بريتاندىق باعدارلاماشى ويلاپ تاۋىپ، سونىڭ تەگى­مەن اتالعان. ءبىر قىزىعى، ۋوردل بۇل ويىن­­دى 2020 جىلى جاھاندى جاي­­لاعان پاندەميا كەزىندە جۇبايى ەكەۋى ەرمەك ءۇشىن ويلاپ تاپقان ەكەن. ەرلى-زايىپتىلار The New York Times كروسسۆورد­تارىن شەشۋگە ماشىق­تانىپ، وزدەرىنىڭ جەتىلدىرىلگەن نۇسقا­سىن جاساۋعا شەشىم قابىل­دايدى. ءسوي­تىپ، ءوز نۇسقاسىن ازىر­لەگەننەن كەيىن دجوش ونى WhatsApp مەسسەندەجەرى ارقىلى وتباسىلىق چاتقا جىبەرەدى. ويىن كوپشىلىكتىڭ كوڭىلىنەن شىعىپ، 2021 جىلدىڭ قازان ايىندا دجوش ويىندى جەلىگە جۇكتەيدى.

ويىندى كوپشىلىككە جاريالاماس بۇرىن دجوش بەس ارىپتەن تۇراتىن 12 مىڭعا جۋىق اعىلشىن ءسوزىن جي­ناقتاعان. جالپى، ويىن شارتى بويىنشا ءبىر كۇندە ءبىر عانا ءسوز، ياعني سول سايتقا كىرگەن بۇكىل ادامعا، بىردەي ءسوز جاسىرىلادى. ءسوزدى تابۋعا 6 مۇمكىندىك بەرىلەدى. باستى قىزىقتىراتىن جەرى ول ويىنعا كىرگەن بەتتە ەشقانداي ءبىر كەڭەس بەرىلمەيدى. ياعني سوزجۇمباقتاعىداي تاپسىرمالار جوق، تەك كەزدەيسوق ارەكەت ەتۋ كەرەك. ويىڭىزعا كەلگەن قانداي دا ءبىر 5 ءارىپتى ءسوزدى جازۋ ارقىلى عانا سول كەڭەس، كومەكتى الا الاسىز. كومەك ءتۇرى دە ەرەكشە. جاسىرىلعان سوزدە قاي ءارىپتىڭ بار جوعىن ءتۇسىنۋ ءۇشىن تۇستەرگە قاراۋ كەرەك. ءار مۇمكىندىكتەن كەيىن شارشى ءتۇسى وزگەرىپ، جاۋاپقا قانشا جاقىن ەكەنىڭىزدى كورسەتەدى. ياعني سۇر ءتۇس شىقسا، ونداي ءارىپ مۇلدە جوق، سارى بولسا، بار، الايدا تۇرعان ورنى قاتە. ال جاسىل بولسا، ول ءارىپ جاسىرىلعان سوزدە بار ءارى ورنىن دا دۇرىس تاپقانسىز.

بولاشاق باعدارلاماسىمەن شەتەل­دىك جوعارعى وقۋ ورىندارىندا ءبىلىم الىپ قانا قوي­ماي، العان بىلىمىمەن قوعامعا، ەلگە سەپتىگىن تيگىزۋگە تالپىناتىن ءىلياس پەن دانيار سىندى قازاق جاستارىنىڭ بار بولعانى قۋانتادى. مۇنداي جاستار­دىڭ جوباسى قولداۋ تاپسا، ەلگە پاي­داسى تيەتىن ءتۇرلى جوبالار جۇزەگە اسارى ءسوزسىز.

سوڭعى جاڭالىقتار

قازاقستاننىڭ ەكسپورت كولەمى ارتتى

ەكونوميكا • بۇگىن، 09:52

پلەي-وففتان تىس قالدى

فۋتبول • بۇگىن، 08:43

ءۇشىنشى ورىنعا كوتەرىلدى

سپورت • بۇگىن، 08:40

ۇزدىك تورتتىكتىڭ قاتارىندا

تەننيس • بۇگىن، 08:39

مىڭعا جۋىق بالانى كەنە شاقتى

ايماقتار • بۇگىن، 08:34

اۋرۋحانانىڭ جاڭا كورپۋسى اشىلادى

مەديتسينا • بۇگىن، 08:30

قاڭعىباس مىسىقتان قاۋىپ كوپ

قوعام • بۇگىن، 08:25

تسيفرلاندىرۋ جۇمىسىمەن تانىستى

ايماقتار • بۇگىن، 08:15

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

ۇقساس جاڭالىقتار