– Street workout بويىنشا وسى ءتۋرينيردى قابىلداپ الۋ – ءبىز ءۇشىن ۇلكەن مارتەبە. بۇقارالىق سپورتتى دامىتۋ – مەملەكەت باسشىسىنىڭ الدىمىزعا قويىپ وتىرعان مىندەتتەرىنىڭ ءبىرى. بۇعان دەيىن Oceanman جاپپاي ءجۇزۋ جارىسىن دا وتكىزگەن ەدىك. جاڭا مارتەبەسىنە ساي قوناەۆ قالاسىنىڭ سپورتتىق ينفراقۇرىلىمىن ودان ءارى دامىتاتىن بولامىز. وسى ءتۋرنيردى وتكىزۋ بالالار مەن جاستاردىڭ بەلسەندى ءارى سالاماتتى ءومىر سالتىن ۇستانۋعا دەگەن قىزىعۋشىلىعىن ارتتىرۋعا وڭ ىقپال ەتەدى. جالپىرەسپۋبليكالىق ءتۋرنيردىڭ ءدال ءبىزدىڭ قالادا باستالۋىنىڭ وزىندە سيمۆولدىق ءمان بار, – ەدى الماتى وبلىسىنىڭ اكىمى مارات سۇلتانعازيەۆ جارىستىڭ اشىلۋ سالتاناتىندا.
ءوز كەزەگىندە وسى ءتۋرنيردى وتكىزۋ جونىندەگى يدەيانىڭ اۆتورى, بەلگىلى پروديۋسسەر نۇرلان قويانباەۆ بارلىق قاتىسۋشىلاردى قۇتتىقتاپ, ءتۋرنيردىڭ كۇزدە نۇر-سۇلتان قالاسىندا وتەتىن گراند فينالىنا جەتۋلەرىنە تىلەكتەستىگىن ءبىلدىردى. ال جارىستىڭ قاتىسۋشىلارى مەن كورەرمەندەرى ءۇشىن جوبا امباسسادورى, جاتتىقتىرۋشى, اكتەر ايتىم جاقىپوۆ ءوز توبىمەن بىرگە شەبەرلىك ساعاتىن وتكىزدى. ايتپاقشى, ايتىم جاقىپوۆ street workout بويىنشا قازاقستاندا جانە الەمدە
بىرنەشە دۇركىن رەكورد جاساعان سپورتشى جانە ەۋروپانىڭ street lifting بويىنشا رەكوردشىسى دا اتانعان بىرەگەي تۇلعا.
قوناەۆ قالاسىندا تۇساۋى كەسىلگەن Street workout تۋرنيرىنە قاتىسۋشىلار سالماعى مەن جاسىنا قاراي توعىز سانات بويىنشا باق سىنادى. جەڭىمپازدارعا 50 مىڭنان 200 مىڭ تەڭگەگە دەيىن اقشالاي سىيلىقتار بەرىلدى. بۇدان بولەك, الماتى وبلىسىنىڭ اكىمى مارات سۇلتانعازيەۆ ەڭ ەرەسەك قاتىسۋشىعا, ياعني 76 جاستاعى ارداگەر بۇلار مەيىرجانوۆقا ارنايى سىيلىق تاعايىنداپ, ونىڭ سپورتتاعى بۇل قادامىنىڭ وزگەلەرگە ۇلگى بولارلىق ءىس ەكەنىن اتاپ ءوتتى. سول سياقتى ون ءۇش جاسار ءامىرحان انۋاربەكوۆ ەڭ جاس قاتىسۋشى نوميناتسياسىنىڭ جەڭىمپازى اتاندى. جالعىز ايەل قاتىسۋشى جىبەك قۇلىمبەتوۆانىڭ دا تالپىنىسى ەسكەرۋسىز قالعان جوق.كورەرمەن كوزايىمى اتالىمىندا قاراساي اۋداندىق پب پاترۋلدىك قىزمەتىنىڭ ينسپەكتورى, اعا لەيتەنانت الحازۋر داداەۆ ۇزدىك دەپ تانىلدى. 38 جاسار قۇقىق قورعاۋشى تۋرنيردە پوليتسيا فورماسىن كيىپ قاتىسقانىن دا اتاپ ءوتۋ كەرەك. جالپى, قىزىقتى وتكەن ءىس-شارا قازاقستاندىق ەسترادا ونەرى يەلەرىنىڭ كونتسەرتتىك باعدارلاماسىمەن اياقتالدى.
الماتى وبلىسى
