ءوڭىر تەاترلارىنىڭ وزىندىك ورنەكتەرى

وتكەن جىلى وڭىرلىك تەاترلار قاتا­رىنا قوسىلعان تۇركىستان مۋزىكالىق دراما تەا­ترى رەپەرتۋارىنداعى بەس قويى­لىمنىڭ ەكەۋى وسى جىلدىڭ پرەمەراسى. جازۋشى-دراماتۋرگ ەرمەك امانشاەۆتىڭ «قورقىت تۋرالى اڭىز» قويىلىمىن رەسەيلىك بالەتمەيستەر, تەات­ر رەجيسسەرى ك.سەمەنوۆ ما­مىر ايىندا ساحنالاسا, قازان ايىندا ۋ.شەك­سپير, م.اۋەزوۆ, ي.گەتە تۋىندى­لارى توعىسقان «تريپتيح: «گاملەت», «قارا­گوز», «فاۋست» سپەكتاكلىنىڭ تۇساۋى كەسىل­مەك. تۋىن­دىنىڭ رەجيسسەرى – الىبەك ومىر­بەك ۇلى. ال شىعارمالاردى ساحنا تىلىنە يكەمدەگەن – ميراس ءابىل. رەجيسسەر بۇعان دەيىن ج.شانين اتىنداعى شىمكەنت قالا­لىق اكادەميالىق قازاق دراما تەاترىن­دا Qora Z, ق.قۋانىشباەۆ تەاترىندا «دون كيحوت» قويىلىمدارىن ۇسىنعان بولاتىن. سول سپەكتاكلدەردەگى قولتاڭبانى تاني العان بولساق, بۇل تريپتيحتا دا رەجيسسەر سيۋجەتتى ەمەس يدەيانى تارقاتاتىنى انىق.

ءبىر قويىلىمدا ۇشىراساتىن ءۇش شى­عارماعا دا ادامزاتتىڭ عاسىرلىق مۇڭىن ارقالاپ, اقيقات ءۇشىن كۇرەسكەندەردىڭ تاعدىرى, ماحاببات ماشاقاتىن تارتقان­داردىڭ مۇڭلى حيكاياسى ارقاۋ بولعان. رەجيسسەر ءاربىر شىعارمامەن جەكە جۇمىس ىستەۋ بارىسىندا وسى ورتاقتىقتى ەسكەرىپ تريپتيح ەتۋدى ءجون كورگەن. ونىڭ ايتۋىنشا, ءبىر وقيعانى ءارتۇرلى اۆتوردىڭ ويى­مەن بەرىپ, جان-جاقتى كورسەتۋ ءتيىمدى شەشىم. «م.اۋەزوۆتى شەكسپير, گەتەمەن بايلانىستىرعان سەبەبىم, «قاراگوز» جو­عارى دەڭگەيدەگى تۋىندى. دەگەنمەن الەمدە ونى كوپ ەشكىم بىلە بەرمەيدى. سون­دىقتان جازۋشىنىڭ ەڭبەكتەرىن ساحنالاپ, الەمدىك دەڭگەيدەگى سپەكتاكلدەرمەن قاتار تۇراتىنداي ەتىپ, بيىككە شىعارعىم كەلەدى. جالپى, «قاراگوز» بۇعان دەيىن ەلىمىزدىڭ تەاترلارىندا ساحنالانعان. بىراق مەنىڭ رەجيسسەرلىك شەشىمىمدە ول مۇلدە باسقاشا كورىنىس تابادى. بۇل جولى گاملەتپەن باس­تاپ قاراگوزگە ءوتىپ, فاۋستپەن اياقتاپ, ۇشەۋىن ءبىر ساحنادا كورسەتەمىن», دەيدى ول.

رەجيسسەر وسى قويىلىمعا كوپ دايىن­دالعان. باس-اياعى ءبىر جىل جەتى اي ۋاقىت جۇمساپتى. سپەكتاكلدىڭ ءساتتى بولۋى, اك­تەرلەردىڭ جاقسى ويناپ شىعۋى تىكەلەي رەجيسسەرگە بايلانىستى دەپ ەسەپتەيتىنىن ايتتى. «ال اكتەرلەردى تاڭداۋعا كەلگەندە قاتىپ كالعان قاعيدالارىم جوق. ەڭ باستىسى, تابيعاتىنان ارتىستىك قابىلەتى بولۋى كەرەك. ساحنادا سول كەيىپكەر بولىپ ءومىر ءسۇرۋى, ءوزىنىڭ نە ايتىپ تۇرعانىن ءتۇسىنۋى شارت. تاجىريبە ماڭىزدى بولعا­نىمەن, كەيدە ول دا كەدەرگى ەمەس. تۇركىس­ت­ا­ن تەاترىنىڭ ترۋپپاسى جاستاردان قۇ­رال­­عاندىقتان, نۇر-سۇلتان, الماتى, شىم­­­­كەنت قالالارىنداعى ارتىستەردى شا­­قىر­­­دىم. كەيبىرى بۇعان دەيىن مەنىڭ قويى­­لىم­دارىمدا ويناعان», دەدى الىبەك ومىر­بەك ۇلى.

وزىنە عانا ءتان وزگەشە قولتاڭباسىن تانىتىپ ۇلگەرگەن رەجيسسەردىڭ ءۇشىنشى تۋىندىسى كورەرمەنگە كۇزدە جول تارتادى.

* * *

ءى.وماروۆ اتىنداعى قوستاناي قازاق دراما تەاترى كەزەكتى ماۋسىمىن وتەن احمەتتىڭ شىعارماسى جەلىسىمەن احمەت بايتۇرسىن ۇلىنىڭ 150 جىلدىعىنا ارنالعان رەجيسسەر قۋاندىق قاسىموۆتىڭ «الاشتىڭ احمەتى» پرەمەراسىمەن جاپتى. قويىلىمدا ا.بايتۇرسىن ۇلىنىڭ ءومىر جولىنداعى قيلى كەزەڭدەرى كورسەتىلەدى. ۇلت ءۇشىن ەتكەن ەڭبەگىن باياندايدى. وتارشىل ساياساتتىڭ قۇربانىنا اينالىپ, تارتقان تاۋقىمەتىن, كورگەن ازابىن كورەرمەنگە جەتكىزەدى. سونداي-اق بار اۋىرت­پالىقتى بىرگە كوتەرىسكەن اياۋلى جارى ءبادريسافانىڭ قايسار بولمىسى مەن جارقىن بەينەسىن اشا تۇسكەن. احمەت بايتۇرسىن ۇلى ەكەۋىنىڭ اراسىنداعى كىرشىكسىز ماحابباتتى, ءبىر-بىرىنە دەگەن ىقىلاس-قۇرمەتتى تاماشا بەينەلەيدى.

رەجيسسەر قۋاندىق قاسىموۆتىڭ ايتۋىنشا, بۇل شىعارما تەاتردىڭ كوركەمدىك جەتەكشىسى باتىربەك شامبەتوۆتىڭ ۇسى­نىسىمەن ساحنالانعان. قويىلىمعا جازۋشى, جۋرناليست, اۋدارماشى وتەن احمەتتىڭ «قۋعىن» پەساسى تاڭدالعان. شىعارمادا احمەت پەن ءبادريسافانىڭ اراسىنداعى بايلانىس, سول كەزەڭدەگى تالاس-تارتىس, ۋاقىت تىنىسى ءدوپ جازىلعان. وسى قويىلىمدا احمەت بايتۇرسىن ۇلىنىڭ سول جىلدارى شىعارعان «اققۇم», «ەكى-اي جيرەن» اندەرى ورىندالادى.

«وقيعادا ءبادريسافانىڭ دا قۋعىنعا تۇسكەن جىلدارىن دا قامتىدىق. ال وسى سپەكتاكلدەگى ەڭ ءبىر تابىستى كەيىپكەر – اتسىز. ول احمەت بايتۇرسىن ۇلىنىڭ تاع­دىرىنا اسەر ەتكەن قارا نيەتتى ادام. جيىنتىق وبراز, ياعني پاتشا زامانىنداعى, كەڭەس كەزەڭىندەگى جۇيە», دەيدى رەجيسسەر.

ال پرەمەراعا ەكى ۋاقىت دايىندىق جۇرگىزىلگەن. سپەكتاكلدە باستى رولدەردى, احمەت بايتۇرسىن ۇلىن – ازامات چۋ­كەەۆ, الەكساندرا (جاس كەزى) – اقبوتا ىقى­لاسوۆا, ديانا تۇرسىنوۆا, ءبادريسافا (قار­تايعان كەزى) – زامزاگۇل بەگايداروۆا, اتسىز – جانىبەك يمان, ەرحان باراقوۆ سوم­داپ شىققان.

«احمەت بايتۇرسىن ۇلىنىڭ اعارتۋ جۇمىستارى عانا ەمەس, ادامي تۇرعىدان ونىڭ بۇكىل جان دۇنيەسىن سەزىنىپ جەتكى­زۋگە تى­رىستىق. اسىرەسە ونىڭ جان-جارى­مەن قا­رىم-قاتىناسى, وزگە ۇلت وكىلى­نىڭ عاشىق بولىپ, ءومىر بويى قۇرمەت­تەپ «تورەم» دەپ وتكەنى احمەت اتامىز­دىڭ ۇلكەن جەڭىسى عوي دەپ ويلايمىن. ويت­كەنى ۇلتىنىڭ تاعدىرىن ويلاي ءجۇرىپ, ءوزىنىڭ جان دۇنيەسىندەگى سەزىمىمەن قيىن­شىلىقتاردىڭ بارىنە قارسى تۇرا العان. ءبىز ونىڭ كۇرەسكەرلىگىن عانا ەمەس وسىن­داي قيىن كەزەڭدەگى شىعارماشىلىق الەمىن, ءاربىر ءان, ولەڭ قالاي تۋىپ جاتتى سونى قو­سا كورسەتۋىمىز كەرەك», دەدى قۋاندىق قاسىموۆ.

بۇل تۋىندى 31 مامىر ساياسي قۋعىن-سۇر­گىن قۇرباندارىن ەسكە الۋ كۇنى ساحنالا­نىپ, كورەرمەننىڭ ىستىق ىقىلاسىنا بو­لەندى.

جالپى, وسى ماۋسىمدا ونەر ۇجىمى ءتورت سپەكتاكلدىڭ تۇساۋىن كەسكەن. اتاپ وتسەك, ب.شاشبەكوۆتىڭ «تەمىر قاتىن» كومەدياسى, س.ۆاننۋستىڭ «سۇلتاننىڭ اتى – سۇلتان» كومەدياسى (ايتا كەتەيىك, اتالعان قويىلىم قىرعىزستان رەسپۋبليكاسىنىڭ «ەرگۇۇ» ۇلتتىق تەاتر سىيلىعىنىڭ «ەڭ ۇزدىك شەتەلدىك قويىلىم» نوميناتسياسىن يەلەن­گەن), ا.تاسىمبەكوۆتىڭ «ا.ل.ج.ي.ر» رەكۆيەمى, ءو.احمەتتىڭ «الاشتىڭ احمەتى» ەلەگياسى.

* * *

شىعىس قازاقستان وبلىستىق قازاق دراما تەاترى جىل باسىنان بەرى ءۇش پرەمەرا وتكىزدى. ال جالپى بيىلعى تەاتر ماۋ­سىمىندا رەپەرتۋارىنا 8 جاڭا قويىلىم قوسىلعان: التاۋى – قازاق تىلىندە, ەكەۋى – ورىس تىلىندە. ايتا كەتەيىك, شىعىس تەا­ترى ءۇش ۇجىمنىڭ باسىن قوسىپ وتىر (قازاق, جاستار جانە ورىس تەاترى). وسى ماۋسىمدا رەجيسسەر دوس قۇباش راقىمجان وتاربايدىڭ شىعارماسى جەلىسىمەن «اينا عۇمىر» قويىلىمىن ساحنالادى. سونداي-اق تۇڭعىشباي جامانقۇلوۆ قاليحان ىسقاق پەن شاحيماردەن قۇسايىنوۆتىڭ  «قازاقتار» تاريحي دراماسىن قويعان. درامادا قاسىم حاننىڭ قازاق ىرگەسىن نىعايتىپ, ەلدىگىن ساقتاۋعا تالپىنعان كۇرەسكەرلىك جولى كورسەتىلەدى. ودان بولەك رەجيسسەر تۇرسىنبەك تۇزباەۆ «ەر توستىك» حالىق ەرتەگىسىن ساحنالادى.

ال ورىس تەاترىندا رومان ستەپەن­سكيدىڭ رەجيسسەرلىگىمەن چەحوۆتىڭ اڭگى­مەلەرى جەلىسىمەن «وت انتوشي چەحونتە دو چەحوۆا» كومەدياسى مەن «بابا-ياگا, كوت ي نوۆىي گود» ەرتەگىسى قويىلسا, جاستار ترۋپپاسى كىشكەنتاي كورەرمەندەرگە «مۇزدى ولكە» ەرتەگىسىن ۇسىنعان. بيىل ۇجىم كەڭەيىپ, قۋىرشاق تەاترى قوسىلعانىن دا ايتا كەتەيىك. قۋىرشاق ترۋپپاسى ەلينا بىستريتسكايانىڭ «كىشكەنتاي باقانىڭ ۇلكەن وقيعاسى» اتتى قۋىرشاق ەرتەگىسىمەن اشىلعان. ونىڭ رەجيسسەرى – قۋىرشاق جاساۋ شەبەرى, اكتەر سىرىم ماراتبەك.

شقو قازاق دراما تەاترىنىڭ ءباسپاسوز حاتشىسى ەركەجان ايتقازىقىزىنىڭ ايتۋىنشا, بيىل كورەرمەننىڭ نازارىن ەرەكشە اۋدارتقان «الجير» پسيحولوگيالىق دراماسى بولىپتى. «تۋىندىنىڭ اۆتورى ءارى رەجيسسەرى – اباي داۋلەت ۇلى. قازىرگە دەيىن سپەكتاكلدى 6 رەت ساحنالاپ ۇلگەردىك. كورەرمەننىڭ سۇراۋى بويىنشا جاقىندا جەتىنشى رەت قويماقپىز», دەيدى ول.

* * *

ش.قۇسايىنوۆ اتىنداعى كوكشەتاۋ وبلىستىق قازاق مۋزىكالىق دراما تەاترى­نىڭ ححV ماۋسىمىندا جەتى پرەمەرا ساحنالانعان. ونىڭ تورتەۋى ەرەسەك­تەرگە ارنالسا, ۇشەۋى بالالارعا, جاس­وسپى­رىمدەرگە ارنالدى. جىل باسىندا ارنايى شاقىرىلعان رەجيسسەر ورازحان كەنە­باەۆ م.اۋەزوۆ تەاترىندا ساحنالانىپ جۇرگەن مەدەۋ سارسەكەنىڭ ءبىر وتباسىنا توسىننان كەلگەن تاعدىر سىناعى ارقىلى بۇگىنگى قوعامنىڭ بەت-بەينەسىن كورسەتەتىن «تەندەرگە تۇسكەن كەلىنشەك» دراماسىن قويعان. قالعان سپەكتاكلدەر – تەاتر رەجيسسەرى ايان الىمباەۆ پەن تاسقىن ءماجيتوۆتىڭ تۋىندىلارى.

ش.قۇسايىنوۆ اتىنداعى كوكشەتاۋ وبلىستىق قازاق مۋزىكالىق دراما تەاترى ادەبيەت ءبولىمىنىڭ باسشىسى مانار­بەك قىدىرباي ۇلىنىڭ ايتۋىنشا, كورەر­مەنگە كوبىنە مۋزىكالىق, كونتسەرتتىك كومە­ديا­لىق قويىلىمدار ۇنايدى. «وب­لىس­­تىق تەاتردىڭ كورەرمەندەرى درا­ماعا اسا قىزىعۋشىلىقپەن كەلە بەر­مەيدى. مە­نىڭشە, كورەرمەنگە تۇسىنىكتى, قارا­پايىم تۋىندىلار جاقىن بولادى. الاي­دا

بي­ىل­عى قويىلىمداردىڭ ىشىندە تاس­قىن ءما­جي­توۆتىڭ ب.ابدۋراززاقوۆتىڭ شىعار­ماسى جەلى­سىمەن ساحنالانعان «اللو, ماما» درا­­­ماسى كوپتىڭ كوڭىلىنەن شىقتى», دەيدى ول.

* * *

ال جامبىل وبلىستىق ا.توقپانوۆ تەاترىندا جىل باسىنان بەرى ەكى پرەمەرا ۇسىنىلدى. دراماتۋرگ سۇلتانبەك قۇدايبەرگەننىڭ شىعارماسى جەلىسىمەن رەجيسسەر گۇلسينا ميرگاليەۆا «پەرىشتە قونعان ءۇي» دراماسىن ساحنالادى. دراما وقيعاسى ارقىلى دۇنيەگە ءسابي اكەلۋ, ءوز وتباسىنا نارەستە سىيلاۋ جۇگى قاي اناعا بولسا دا جەڭىل ەمەس ەكەنىن ۇعىندىرۋ. جاس قىزداردى شالىس قادام باسىپ, قاتەلىككە ۇرىنۋدان ساقتاۋ.

ال دراماتۋرگ قولعانات مۇراتتىڭ شىعارماسى جەلىسىمەن قويىلعان رەجيسسەر فارحادبەك قانافيننىڭ «مۇعالىم» سپەك­تاكلىنىڭ ماقساتى جاس ۇرپاقتى جان-جاق­تى ءبىلىمدى دە تاربيەلى ەتىپ وسىرۋدەگى مەك­تەپ پەن وتباسىنىڭ, مۇعالىمدەر مەن اتا-انانىڭ اتقارار جۇمىستارى تۋرالى با­عىت-باعدار بەرۋ, وي سالۋ. بۇگىندە زامان اعىمىنا ىلەسكەن جاسوسپىرىمدەردىڭ ويلاۋ جۇيەسى مەن دۇنيەتانىمى ەرەك بول­عانىمەن, ولاردى ءبىز ءوز دەڭگەيىندە تۇسىنە الىپ ءجۇرمىز بە؟ «ۇيادا نە كورسەڭ, ۇش­قاندا سونى ىلەسىڭ» دەمەكشى, ءوز بالا­مىزعا قانشالىقتى لايىقتى تاربيە بەرىپ, قانشالىقتى كوڭىل ءبولىپ ءجۇرمىز دەگەن سۇراقتار كوتەرىلەدى.

ا.توقپانوۆ اتىنداعى جامبىل وب­لىستىق دراما تەاترىنىڭ ديرەكتورى مالىك اقۇرپەكوۆتىڭ ايتۋىنشا, ەكى قويىلىم دا كورەرمەن تاراپىنان وڭ قابىلد­انعان. «بۇل قويىلىمدار قازىرگى ۋاقىتتاعى وزەكتى ماسەلەلەردى قوزعايدى. بۇل سپەكتاكلدەردىڭ پرەمەراسى انشلاگپەن ءوتتى. وسى ۋاقىتقا دەيىن بىرنەشە رەت رەپەرتۋارعا ءىلىنىپ, كورەرمەنگە كورسەتىلىپ كەلەدى», دەيدى ول.

* * *

ال ج.شانين اتىنداعى شىمكەنت قالا­لىق قازاق دراما تەاترىندا ح.حۋر­سان­دوۆتىڭ شىعارماسى جەلىسىمەن رەجيسسەر ب.قۇرمانعوجاەۆتىڭ اتا-انا قادىرىن تىرىسىندە ءبىلۋ كەرەك دەگەن ويدى جەتكىزەتىن «ولدىك تە, قۇرمەتتى بولدىق» كومەدياسى مەن ج.انۋي, ح.ميۋللەر شىعارمالارى جەلىسىمەن (اۋدارعان ءو.احمەت) رەجيسسەر قۋاندىق قاسىموۆ ساحنالاعان «مە­دەيا»/«فيلوكتەت» تراگەدياسىنىڭ پرەمەراسى وتسە, ت.احتانوۆ اتىنداعى اقتو­بە وبلىستىق دراما تەاترىندا رەجيسسەر د.بازارقۇلوۆ, ا.شاريپوۆ التىن وردانىڭ 750 جىلدىعىنا وراي ەدىگە باتىر­دىڭ ەرلىگىن دارىپتەگەن سۆەتقالي نۇر­جاننىڭ «ەر ەدىگە» ەتنوفولكلورلىق تاريحي دراماسىن قويعان. سپەكتاكلدە قايسار قولباسشىنىڭ ءامىر تەمىرمەن بايلانىسى, توقتامىس حانمەن بولعان شيەلەنىس جاعدايلارى كورسەتىلەدى. رەجيس­سەر مەيرام حابيبۋللين ۋيليام شەكس­پيردىڭ «ريچارد ءىىى» تراگەدياسىن, رەجيسسەر جەڭىس قالقابەكوۆ «ەي, كتو-نيبۋد!» زا­ماناۋي تراگەدياسىن كورەرمەنگە ۇسىنعان.

* * *

م.وتەمىسوۆ اتىنداعى اتىراۋ وب­لىس­­تىق اكادەميالىق قازاق دراما تەاترىن­­دا رەجيسسەر مۇقانعالي توما­نوۆ ش.ايت­ماتوۆتىڭ جۇرەك سىرى ءان قۇ­دى­­رەتىمەن جەتە­تىن ماحاببات حيكاسى تۋرا­لى ء«جا­ميلا», ءاليا داۋلەتباەۆانىڭ شى­­عارماسى جەلىسىمەن حالىق قاھارمانى حيۋاز دوس­پانوۆانىڭ 100 جىلدىعىنا وراي باتىر قىزدىڭ ەرلىگى جايىندا دەرەكتى دراما «حيۋاز» (ستسەناريىن جازعان تەمىربەك مۇحتاروۆ) جانە ماحامبەتتىڭ ورلىگىن دە, ەرلىگىن دە كورسەتەتىن «قوش بول, قارا­وي!» قويىلىمىنىڭ, ج.تەلتاەۆتىڭ رە­جيس­سەر­لىگىمەن قويىلعان شەكسپيردىڭ «ريچارد ءىىى» تراگەدياسىنىڭ تۇساۋى كەسىلدى.

* * *

ال قاراعاندى وبلىستىق ساكەن تەاترى­­نىڭ بيىلعى رەپەرتۋارىنا رە­جيس­سەر ا.سالبانوۆتىڭ شەرحان مۇرتا­زانىڭ شىعارما جەلىسىمەن «تەكە­بۇر­قاق» جانە گ.بالپەيىسوۆانىڭ رەجيس­سەرلىگىمەن «قاراگوز» قويىلىمى قوسىلسا, ن.بەكەجانوۆ اتىنداعى قىزىل­وردا وبلىس­تىق قازاق اكادەميالىق مۋزى­كا تەاترىندا بالالار جىلىنا وراي قا­سىم­حان بەگمانوۆتىڭ «ەر توس­تىك» ەرتەگىسى قويىلدى. ودان بولەك ك.يبراە­ۆانىڭ شىعارماسى جەلىسىمەن رەجيسسەر س.ءجۇزبايدىڭ «شىنى كەرەك», انۋراگ كاشياپ­تىڭ شىعارماسى جەلىسىمەن ق.احا­باەۆتىڭ «كىم؟» پسيحولوگيالىق درا­ماسىن جانە ل.رازۋموۆسكايانىڭ (اۋدار­عان ا.ماەميروۆ) شىعارماسى جە­لىسى­مەن وزەكتى تاقىرىپتاعى «ۇبت كىلتى» سپەك­تاكلىن كورەرمەنگە كورسەتتى. ن.ءجان­تو­رين اتىنداعى ماڭعىستاۋ وبلىستىق قا­زاق مۋزىكا-دراما تەاترىندا رەجيسسەر ا.ماەميروۆ يران-عايىپتىڭ عاشىق­تىق­تىڭ قايعىسىن كەشكەن «ەستايدىڭ قور­لانىن», و.لۋتسيۆا ۆيكتور لەگەنتوۆتىڭ La mom Piaf تۋىندىسىن ساحناعا شى­عارعان. رەجيسسەر فارحاد مولداعالي ب.سوقپاقباەۆتىڭ «مەنىڭ اتىم قوجا» شىعارماسى جەلىسىمەن سپەكتاكل قويعان.

* * *

ال ج.ايماۋىتوۆ اتىنداعى پاۆ­لودار وبلىستىق قازاق مۋزىكا-دراما تەاترى رەپەرتۋارىن ج.ايماۋىتوۆتىڭ «اق­بىلەك» رومانىنىڭ جەلىسىندە رەجيسسەر گ.وماروۆانىڭ مونوسپەكتاكلىمەن, رەجيسسەر ءا.اقانوۆتىڭ, ل.رازۋموۆسكايانىڭ شىعارما جەلىسىمەن «قىمباتتى ەلەنا سەرگەەۆنا» (اۋدارعان ە.جۋاسبەك) قويى­لىمىمەن جانە رەجيسسەر ە.قاۋلانوۆ ج.الى­كەننىڭ وسىدان ءۇش جىل بۇرىن قازا تاپقان بەس بالدىرعاننىڭ تراگەديالىق تاع­دىرىن كورسەتكەن «قىزىل گۇلدەر» ەلەگيا­سىمەن تولىقتىرسا, ح.بوكەەۆا اتىنداعى ورال وبلىستىق قازاق دراما تەاترى رەجيسسەر المات شاريپوۆ م.ال­عوجاەۆانىڭ شىعارماسى جەلىسىمەن «تانگو» ميس­تيكالىق دراماسىن كورەرمەنگە ۇسىنعان.

* * *

بايقاساق, وڭىردەگى تەاترلار ءوز رەپەرتۋارىن جان-جاقتى تاقىرىپتار مەن ءتۇرلى جانرداعى تۋىندىلارمەن تولىق­تىرىپ وتىر. جاڭا قويىلىمداردان كورەر­مەن وزىنە كەرەگىن الىپ, وي تۇيەدى دەپ سەنەمىز. سونداي-اق وسى ماۋسىمدا كوپ تەاتر كىشكەنتاي كورەرمەندەرىن دە ەستەن شىعارماي ءتۇرلى ەرتەگىلەردى قور­جىنىنا قوسقان ەكەن. بيىلعى بالالار جىلىنىڭ قارساڭىندا ەڭ جاقسى تارتۋ دەپ ەسەپتەيمىز. وسى ەڭبەكتىڭ بارلىعى – رۋحانياتقا قوسىلعان ۇلكەن ۇلەس.

ايتولعان ءجۇنىسحان,

ەۋرازيا ۇلتتىق ۋنيۆەرسيتەتىنىڭ ستۋدەنتى