جاڭا باسشىنى جەكە قۇرامعا قر ىشكى ىستەر ءمينيسترى مارات احمەتجانوۆ تانىستىردى.
دۋمان اشكەن ۇلى 1967 جىلى 13 ناۋرىزدا سولتۇستىك قازاقستان وبلىسىنىڭ سەرگەەۆ اۋدانى كوكتەرەك اۋىلىندا دۇنيەگە كەلگەن. ىشكى ىستەر ورگاندارىنداعى قىزمەتىن 1988 جىلى سولتۇستىك قازاقستان وبلىستىق اتقارۋ كوميتەتىنىڭ ءىىب پپق جەكە روتاسىنىڭ ميليتسيونەرى بولىپ باستادى.
1991-2004 جىلدار ارالىعىندا پەتروپاۆل قالاسىنىڭ ءىىب ءارتۇرلى جەدەل لاۋازىمداردا جۇمىس ىستەدى. 2004 جىلى ەسىل اۋدانىنىڭ ىشكى ىستەر ءبولىمىن, كەيىن پەتروپاۆل قالاسىنىڭ ءىىب باسقاردى.
ءار جىلدارى سقو ءىىد قوعامدىق قاۋىپسىزدىك باسقارماسىنىڭ باستىعى, ع.مۇسىرەپوۆ اۋدانىنىڭ ءىىب باسشىسى, پەتروپاۆل قالاسىنىڭ ءىىب باستىعى, سقو ءىىد باستىعىنىڭ ءبىرىنشى ورىنباسارى قىزمەتتەرىن اتقارعان.
جاڭا قىزمەتكە تاعايىندالعانعا دەيىن ول قر ءىىم كريمينالدىق پوليتسيا دەپارتامەنتىنىڭ باستىعى بولدى.
