كاسىپوداقتار فەدەراتسياسى قازاقستان ەڭبەككەرلەرىنىڭ ەڭ ءىرى بىرلەستىگى رەتىندە ەڭبەك ادامىنىڭ قۇقىقتارى مەن زاڭدى مۇددەلەرىن قورعاي وتىرىپ, قوعامداعى الەۋمەتتىك ادىلەتتىلىكتى دامىتۋعا ءوز ۇلەسىن قوسۋدا.
بۇگىندە ەل پرەزيدەنتى قاسىم-جومارت توقاەۆ جۇرگىزىپ وتىرعان قوعامدى جاڭعىرتۋ باعىتى بارلىعىمىزعا ەلىمىزدىڭ ساياسي جۇيەسىندە ورىن الىپ جاتقان تاريحي وزگەرىستەردىڭ قاتىسۋشىسى بولۋعا بىرەگەي مۇمكىندىك بەرەدى.
ءبىز مەملەكەت باسشىسىنىڭ قازاقستان كونستيتۋتسياسىنا وزگەرىستەر مەن تولىقتىرۋلار ەنگىزۋ بويىنشا رەسپۋبليكالىق رەفەرەندۋم وتكىزۋ تۋرالى باستاماسىن قولدايمىز.
قازاقستان رەسپۋبليكاسى كاسىپوداقتار فەدەراتسياسى حالىقتى دۇرىس اقپاراتتاندىرۋعا جانە ەلىمىزدىڭ ازاماتتارىنا ۇسىنىلىپ وتىرعان رەفورمالاردى تۇسىندىرۋگە بەلسەندى قاتىسۋ نيەتىن بىلدىرەدى.
زاڭنامالىق وزگەرىستەرگە جالپىحالىقتىق داۋىس بەرۋ – ءاربىر قازاقستاندىقتىڭ ساياسي باعىتتى قالىپتاستىرۋعا قاتىسۋ قۇقىعىن جانە ءوز ەلىنىڭ بولاشاق تاعدىرى ءۇشىن جاۋاپتى شەشىم قابىلداۋ قۇقىعىن ايقىندايتىن تاريحي ادىلەتتىلىك اكتىسى. بۇل جاڭا قازاقستاندى قۇرۋ جولىنداعى ماڭىزدى قادام.
نەگىزگى زاڭعا ۇسىنىلىپ وتىرعان وزگەرىستەر مەن تولىقتىرۋلار ءاربىر ازاماتتىڭ نەگىزگى قۇقىقتارى مەن كەپىلدىكتەرىن, قوعامداعى تۇراقتىلىق پەن بىرلىكتى قورعاۋعا باعىتتالعان.
بۇكىل الەم ءۇشىن قيىن-قىستاۋ كەزەڭدە قازاقستاندىقتار بىرىگىپ, ازاماتتىق ۇستانىمىن تانىتىپ, الداعى رەفەرەندۋمعا بەلسەنە قاتىسۋعا ءتيىس.
وتكەن جىلداردىڭ تاجىريبەسى بۇكىل قوعامنىڭ بىرىگۋى مەن سانالى قولداۋى عانا دەموكراتيالىق وزگەرىستەر مەن الەۋمەتتىك ادىلەتتىلىك قاعيدالارىن العا باستىرۋدىڭ نەگىزى بولا الاتىنىن كورسەتتى.
كاسىپوداقتار بىرلەسكەن كۇش-جىگەرمەن ءبىز لايىقتى بولاشاققا جانە بارشا قازاقستاندىقتاردىڭ ءال-اۋقاتىن ارتتىرۋعا باعىت-باعدارىمىزدى جالعاستىراتىنىمىزعا سەنىمدى.
قازاقستان رەسپۋبليكاسى كاسىپوداقتار فەدەراتسياسىنىڭ اتقارۋ كوميتەتى
