الەم • 22 ءساۋىر، 2022

«ورتالىق ازيا+جاپونيا» ديالوگى

51 رەت كورسەتىلدى

قازاقستان سىرتقى ىستەر ءمينيسترىنىڭ ورىنباسارى ءادىل تۇرسىنوۆ ورتالىق ازيا ءوڭىرى مەملەكەتتەرى مەن جاپونيا اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىنا وراي بەينەكونفەرەنتسيا رەجىمىندە «ورتالىق ازيا+جاپونيا» ديالوگىنىڭ 8-ءشى مينيسترلىك كەزدەسۋىنە قاتىستى.

وتكەن ءۇش ونجىلدىقتا ورتالىق ازيا ەلدەرى مەن جاپونيا اراسىندا بارلىق باعىت بويىنشا جەمىستى ىنتىماقتاستىق ورناپ، ەكىجاقتى جانە كوپجاقتى فورماتتاردا سىندارلى ديالوگ جولعا قويىلىپ، ساۋدا-ەكونوميكالىق جانە مادەني-گۋمانيتارلىق ءوزارا ءىس-قيمىل سەرپىندى دامىپ كەلەدى.

ءا.تۇرسىنوۆ ءوز سوزىندە ەلىمىز­دىڭ كەڭەيتىلگەن ستراتەگيالىق ارىپ­تەستىگى بويىنشا جاپونيامەن قار­قىندى دامىپ كەلە جاتقان جان-جاقتى ىنتىماقتاستىقتى جو­عا­رى باعالادى. قازاقستان تاراپى دەنساۋلىق ساقتاۋ، اۋىل شارۋاشىلىعى، تسيفرلاندىرۋ، قورشاعان ورتانى قورعاۋ جانە وزگە دە سالالارداعى ءوزارا ءىس-قيمىلدى جانداندىرۋدى ۇسىندى.

جوعارى دەڭگەيدەگى ونلاين-كەز­دەسۋگە قاتىسۋشىلار حا­لىق­ارالىق جانە وڭىرلىك بىر­قا­تار وزەكتى ماسە­لە­نى جان-جاق­تى تالقىلاپ، ساۋدا-ەكونو­مي­كا­لىق جانە ينۆەس­تي­تسيا­لىق ىن­تىماقتاستىق، دەن­ساۋلىق ساق­تاۋ، ەكولوگيا، تۇ­راقتى دامۋ جانە وڭىر­لىك قاۋىپ­سىزدىك سالا­لا­رىن­داعى ءوزارا ءىس-قيمىلدى كەڭەي­تۋ پەرسپەكتيۆالارىن بەل­گىلەدى.

جاپونيانىڭ باستاماسىمەن وتكەن «ورتالىق ازيا+جاپونيا» ديالوگىنىڭ العاشقى كەزدەسۋى 2004 جىلى قازاقستان استاناسىندا وتكەن ەدى. فورمات شەڭبە­رىن­دەگى ىنتىماقتاستىقتىڭ نە­گىز­گى باعىتتارى – ساياسي ديالوگ، وڭىرىشىلىك ىنتىماقتاستىقتى دامى­تۋ، بيزنەستى قولداۋ، زيات­كەرلىك ديالوگ، مادەني بايلانىستار جانە ادامي كاپيتالدى نىعايتۋ. «وا+جاپونيا» ديالوگىنىڭ كە­زەك­تى 9-شى مي­نيستر­لىك كەزدەسۋىن بيىل جىل سوڭىنا دەيىن توكيودا وتكىزۋ جوس­پارلانىپ وتىر.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار