تاعايىنداۋ • 18 ءساۋىر، 2022

قاراعاندى وبلىستىق ىشكى ساياسات باسقارماسىنىڭ باسشىسى تاعايىندالدى

168 رەت كورسەتىلدى

قاراعاندى وبلىستىق ىشكى ساياسات باسقارماسىنىڭ باسشىسى بولىپ نۇرلان بيكەنوۆ تاعايىندالدى، دەپ حابارلايدى  Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

نۇرلان راحمەتۋللا ۇلى بيكەنوۆ 1973 جىلى نۇرا اۋدانىندا دۇنيەگە كەلدى. ەكى جوعارى ءبىلىمى بار: ول 1997، 2002 جىلدارى ە.بوكەتوۆ اتىنداعى قارمۋ-دى جانە 2013 جىلى قاراعاندى ەكونوميكالىق ۋنيۆەرسيتەتىن تامامداعان.  

ەڭبەك جولىن 1991 جىلى نۇرا اۋدانىنداعى كۋيبىشەۆ اتىنداعى سوۆحوزدا جۇمىسشى بولىپ باستادى. 1995 جىلدان 2001 جىلعا دەيىن س.تالجانوۆ اتىنداعى ورتا مەكتەپتە مۇعالىم بولىپ جۇمىس ىستەگەن.

2001 جىلدان باستاپ مەملەكەتتىك قىزمەتتە. نۇرا اۋدانى اكىمى اپپاراتىنىڭ ىشكى ساياسات جانە الەۋمەتتىك سالا ءبولىمىنىڭ جاستار ءىسى جونىندەگى باس مامانى بولدى. سودان كەيىن قاراعاندى وبلىستىق ىشكى ساياسات دەپارتامەنتىنىڭ ساياسي پارتيالارمەن جانە قوعامدىق جانە ءدىني بىرلەستىكتەرمەن جۇمىس جونىندەگى ءبولىمىنىڭ جەتەكشى، باس مامانى جانە مەڭگەرۋشىسى بولىپ قىزمەت ىستەگەن.

2007 جىلى قاراعاندى قالاسىنىڭ ىشكى ساياسات ءبولىمىنىڭ باستىعى لاۋازىمىنا تاعايىندالدى. ودان كەيىن وبلىستىق ىشكى ساياسات باسقارماسى باستىعىنىڭ ورىنباسارى قىزمەتىن اتقاردى.

2010-2012 جىلدارى وساكاروۆ اۋدانى اكىمىنىڭ ورىنباسارى بولىپ ەڭبەك ەتتى.

ودان كەيىنگى جىلدارى وبلىستىق ىشكى ساياسات باسقارماسى باسشىسىنىڭ ورىنباسارى، سونداي-اق ءدىن ىستەرى باسقارماسىنىڭ باسشىسى قىزمەتتەرىندە بولدى.

2020 جىلدىڭ قاڭتار ايىنان باستاپ وسى ۋاقىتقا دەيىن قاراعاندى قالاسى اكىمىنىڭ ورىنباسارى قىزمەتىن اتقاردى.

سوڭعى جاڭالىقتار

11 تامىزعا ارنالعان ۆاليۋتا باعامى

ەكونوميكا • بۇگىن، 09:40

ۇقساس جاڭالىقتار