«2016 جىلدان بەرى بالاباقشالارىدڭ تولەماقىسى وزگەرگەن جوق. ياعني, اتا-انالار اي سايىن مەملەكەتتىك بالاباقشالاردا ءبىر بالاعا 16 800 تەڭگە, ال جەكە بالاباقشالاردا 20 800 تەڭگە تولەپ وتىرعان. بۇل سوماعا تەك بالانىڭ تاماعى كىرەدى. بالالار بالاباقشادا ءتورت مەزگىل تاماقتانادى. بۇل ەرەجە مەملەكەتتىك جانە جەكە مەنشىك بالاباقشالارعا ورتاق. وسىعان بايلانىستى, ءبىز قازىر تولەم مولشەرىن قايتا قاراپ, ەسەپتەۋلەر جۇرگىزىپ, جاڭا قۇجاتتار دايىنداۋدامىز», دەپ ءتۇسىندىردى ق.سەنعازيەۆ.
ونىڭ ايتۋىنشا, قۇجاتتار دايىن بولعان كەزدە ولاردى قوعامدىق تالقىلاۋعا, كەيىننەن قالالىق ءماسليحاتتىڭ قاراۋىنا ۇسىنادى. جاڭا قۇجاتتار ماقۇلدانعان جاعدايدا بالاباقشالار ءۇشىن تولەم مولشەرى وزگەرەدى. بىراق, بۇل تەك مەملەكەتتىك بالاباقشالارعا قاتىستى. جەكە مەنشىك بالاباقشالارعا قاتىستى بۇل ماسەلە جەكە قارالادى.
