بولىنگەن قاراجات جارتى ميلليارد تەڭگەدەن استام سومانى قۇرايدى.
وسىنداي قيىن شاقتا الماتىنى قالپىنا كەلتىرۋ جانە قالاعا كورىك بەرۋ ءۇشىن كورسەتىلەتىن كەز كەلگەن كومەك پەن قولداۋ وتە ماڭىزدى. ارقايسىمىز ءبىر كىسىدەي اتسالىسساق, بۇل سىناقتى بىرگە ەڭسەرەمىز, ءومىرىمىزدى جاقسارتامىز. ءبىزدىڭ كۇشىمىز بىرلىكتە.
سبەر قالاعا كومەك رەتىندە 550 ميلليون تەڭگە ءبولدى. 12 قاڭتاردا الماتىعا سۋ جاڭا 10 رەانيموبيل سىيعا بەرىلدى, ورىن العان تارتىپسىزدىكتەردىڭ سالدارىنان بىرنەشە جەدەل جاردەم كولىگىنىڭ جويىلعانىن ەسكەرسەك, بۇل كولىكتەر وتە قاجەت. زاماناۋي رەانيموبيلدەر بارلىق قاجەتتى مەديتسينالىق قۇرالدارمەن جابدىقتالعان. اتاپ ايتقاندا, دەفيبريللياتورلار, جۇرەك قاعىسىن تەكسەرەتىن تولىق جۇيە, پۋلسوكسيمەترلەر, تاسىمالداۋعا قولايلى تىنىس الۋ اپپاراتتارى, وتتەگى باللوندارى. سونداي-اق بانك ۇلتتىق كىتاپحانا مەن رەسپۋبليكامىزدىڭ مەملەكەتتىك ورتالىق مۇراجاي عيماراتىن جوندەپ, قالىپتى جاعدايىنا كەلتىرەدى.
الماتى قالاسىنىڭ اكىمى باقىتجان ساعىنتاەۆ قالانىڭ بىرتىندەپ بۇرىنعى ومىرىنە ورالعانىن جانە ورىن العان وقيعادان كەيىن قالپىنا كەلتىرۋ جۇمىستارىنىڭ جۇرگىزىلىپ جاتقانىن ايتتى.
ء«بىز قازاقستاندىقتاردىڭ قيىن كەزەڭدە ۇيىمشىلدىق كورسەتىپ, جۇمىلعان جۇدىرىقتاي ارەكەت ەتە الاتىنىنا تاعى دا كوز جەتكىزدىك. الماتىلىقتارعا تارتىپسىزدىك كەزىندە سابىرلىلىق پەن باتىلدىق تانىتقاندارى ءۇشىن جانە بىزگە كورسەتكەن كومەكتەرىڭىز ءۇشىن العىس ايتامىن», دەدى ب. ساعىنتاەۆ.
سونداي-اق قالا اكىمى زارداپ شەككەن سالالاردى قالپىنا كەلتىرۋگە, سونىڭ ىشىندە دانساۋلىق ساقتاۋ سالاسىنا ءىرى بيزنەس جانە قارجى ينستيتۋتتارىنىڭ قولداۋ كورسەتىپ جاتقانىن ەرەكشە العىسپەن ايتتى.
«الماتى قيىن كەزەڭدى باسىنان وتكىزۋدە. قازىرگى ۋاقىتتا باستى ورتاق ماقساتىمىز – تۋعان قالامىزدىڭ بۇرىنعى كەلبەتىن قايتارۋ. ءبىز وسى ءبىر ماڭىزدى ىسكە ءوز ۇلەسىمىزدى قوسقىمىز كەلەدى. بۇگىن ءبىز الماتى اكىمدىگىنە الدىڭعى قاتارلى مەديتسينالىق قۇرالمەن جابدىقتالعان 10 جەدەل جاردەم كولىگىن تابىستايمىز. سونداي-اق ۇلتتىق كىتاپحانا مەن قر ورتالىق مەملەكەتتىك مۇراجايىن ءوز كۇشىمىزبەن قايتا قالپىنا كەلتىرەمىز دەپ شەشتىك.
بىرىگە جۇمىلساق, قيراعان نىسانداردى جىلدام قالپىنا كەلتىرىپ قانا قويماي, بۇرىنعىدان دا كۇشتىرەك بولامىز دەگەن سەنىمدەمىن», دەدى «سبەربانك» اق ەب باسقارما توراعاسى ەلدار تەڭىزباەۆ.
بۇگىندە سبەر بانكتىڭ بولىمشەلەرى مەن بانكوماتتارى ەلىمىزدىڭ بارلىق ايماقتارىندا شتاتتىق تارتىپتە جۇمىس ىستەيدى. نەسيەلەۋدى قوسقاندا, كليەنتتەرگە بارلىق قىزمەتتەر قولجەتىمدى.
