«تسيفرلاندىرۋ بۇكىل الەم بويىنشا قارجى نارىقتارىن قالپىنا كەلتىرۋدىڭ نەگىزگى قوزعاۋشى كۇشىنە اينالدى. قازاقستان كوپتەگەن سالادا قارجى يندۋسترياسىن تسيفرلىق دامىتۋدىڭ الدىڭعى قاتارىندا كەلەدى. تسيفرلىق سەرۆيستەردىڭ ىقپالىمەن ءبىز ەلدەگى قولما-قول اقشاسىز تولەمدەردىڭ ايتارلىقتاي وسكەنىن بايقاپ وتىرمىز.
وسىلايشا, 5 جىل ىشىندە حالىقتىڭ قولما-قول اقشاسىز تولەمدەرىنىڭ كولەمى 26 ەسە ءوستى, ال ينتەرنەت جانە ءموبيلدى سەرۆيستەر ارقىلى تولەمدەردىڭ ۇلەسى 22%-تەن 83%-كە دەيىن ۇلعايىپ, رەكوردتىق كورسەتكىشكە جەتتى», دەدى ە. دوساەۆ.
ۇلتتىق بانك توراعاسى وزگەرىستەر قارقىنىن توقتاتپاي, قارجى سالاسىن ودان ءارى تسيفرلاندىرۋدى قولداۋ قاجەتتىگىن ايتتى.
«قارجى نارىعىنىڭ بارىنە بىردەي قولجەتىمدى تسيفرلىق ينفراقۇرىلىمى – ۇلتتىق بانك ءۇشىن باسىم باعىتتا. پرەزيدەنت تاپسىرماسىمەن قۇرىلاتىن ۇلتتىق تولەم جۇيەسى مەن تسيفرلىق بيومەتريالىق سايكەستەندىرۋ پلاتفورماسى – ونىڭ ماڭىزدى قۇرامداس بولىكتەرى. اتالعان رەفورمالار قارجىلىق قىزمەت كورسەتۋ سالاسىن بارىنشا جوعارى ساپالى دەڭگەيگە كوتەرۋگە مۇمكىندىك بەرەدى. جاڭارتىلعان تسيفرلىق ينفراقۇرىلىم نارىقتىڭ بارلىق قاتىسۋشىلارى ءۇشىن قولجەتىمدى بولادى جانە جاڭا بۋىننىڭ قارجىلىق سەرۆيستەرىن جىلدام جانە ارزان جاساۋعا مۇمكىندىك تۋعىزادى», دەپ ءتۇسىندىردى ە. دوساەۆ.
